တရုတ်တိုင်းရင်းဆေး ဖော်စပ်ရာမှာ အသုံးပြုတဲ့ ခူကောင်မှိုတစ်မျိုးဟာ ကင်ဆာဆဲလ်တွေ ကြီးထွားမှုနှုန်းကို နှေးကွေးစေတဲ့ အာနိသင်ရှိကြောင်း ဗြိတိန်သုတေသီတွေက လေ့လာတွေ့ရှိခဲ့ပါတယ်။ နော်တင်ဟမ်တက္ကသိုလ်ရဲ့ ဆေးဘက်ဆိုင်ရာကျောင်းမှ သိပ္ပံပညာရှင်တွေဟာ ကပ်ပါးမှိုက ရောဂါတွေကုသရာမှာ ဘယ်လိုအစွမ်းရှိသလဲဆိုတာကို လေ့လာခဲ့ကြပြီး သူတို့ရဲ့တွေ့ရှိမှုတွေကို FEBS စာစောင်မှာ ရေးသားခဲ့တာပါ။
ခူကောင်မှာ ကပ်ငြိပြီး ဖြစ်ပေါ်လာသော လိမ္မော်ရောင်မှို(Cordyceps)က ထုတ်ပေးတဲ့ Cordycepin ကွန်ပေါင်းဟာ ရောင်ရမ်းမှုတွေကို သက်သာလျော့ပါးစေပြီး အခြားကျန်းမာရေး အကျိုးကျေးဇူးတွေလည်း ရှိနေတာ တွေ့ရှိခဲ့တာပါ။ ကင်ဆာဆဲလ်တွေ ကြီးထွားလာတာဟာ ဆဲလ်ကြီးထွားမှုအချက်ပြလှိုင်းတွေကြောင့်ဖြစ်ပြီး Cordycepin ကွန်ပေါင်းက အဲဒီလှိုင်းတွေကို တားဆီးပိတ်ပင်ပေးနိုင်စွမ်း ရှိပါတယ်။
” စိတ်လှုပ်ရှားစရာကောင်းတာတစ်ခုကတော့ စမ်းသပ်မှုတွေလုပ်ဖို့ တော်တော်လည်းလွယ်တယ်။ ကုန်ကျစရိတ်လည်း အရမ်းသက်သာတယ်။ အဲဒီတော့ ထောင်နဲ့ချီတဲ့မျိုးဗီဇတွေကို တပြိုင်တည်းခွဲခြမ်းစိတ်ဖြာကြည့်လို့ ရတယ်”လို့ ဒီသုတေသနကို ဦးဆောင်တဲ့ ဆေးဘက်ဆိုင်ရာကျောင်းမှ ဆရာဝန် ကော်နီလီယာဒီမိုးက ဆိုပါတယ်။
Ref: Caterpillar Fungus Used in Chinese Medicine Slows the Growth of Cancer Cells, Shows New Study
NZ ( ရိုးရာလေး)
