စားဝတ်နေရေးဆိုတာ လူသားတိုင်းအတွက် အဓိကလိုအပ်ချက်တစ်ခုဖြစ်သလို ရှောင်လွှဲလို့မရတဲ့ အရာတစ်ခုဖြစ်ပါတယ်။ အဲဒီအရာအတွက် ရင်ဆိုင်ဖြေရှင်းကြရပုံတွေကလည်း ဘဝဇာတ်ခုံမှာ မျိုးစုံလှပါတယ်။ တချို့ကတော့ ဈေးရောင်းချတဲ့လုပ်ငန်းနဲ့ အဓိကအသက်မွေးဝမ်းကြောင်းပြုနေကြသူတွေပါ။
လူနေမှုစရိတ်ကြီးမားလွန်းတဲ့ မြို့ပြကြီးမှာနေထိုင်ပြီး စားဝတ်နေရေးအတွက် ရုန်းကန်လှုပ်ရှားနေကြရသူတွေထဲမှာ ရန်ကုန်တိုင်းဒေသကြီး၊ ဒဂုံဆိပ်ကမ်းမြို့နယ် ရပ်ကွက်ဈေးအတွင်းက ဈေးသည်တချို့ကလည်း အပါအဝင်ဖြစ်ပြီး ငွေပင်ငွေရင်းများများစားစားမရှိတဲ့သူတို့အတွက် ဈေးရောင်းချဖို့အရင်းအနှီးငွေတွေဟာ တခြားသူတစ်ဦးထံကနေ ငွေတိုးပေး ချေးယူထားရတာဖြစ်ပါတယ်။
Team (ရိုးရာလေး)
