ပန်ကာနဲ့ အိပ်စက်ခြင်းက သင့်ကျန်းမာရေးအတွက် ဘာလို့မကောင်းတာလဲ

ပန်ကာမဖွင့်ဘဲနဲ့ မအိပ်တတ်ကြတဲ့သူတွေကို တွေ့ဖူးကြတယ်မလား။ အရမ်းပူတဲ့ညတွေမှာ နှစ်နှစ်ခြိုက်ခြိုက်အိပ်ချင်တဲ့သူတွေက သူတို့ကို လေ တိုက်ရိုက်ထိတွေ့မှ အိပ်ပျော်တတ်ကြတာပါ။ ပန်ကာက အဆိပ်သင့်စေနိုင်တဲ့အရာမဟုတ်ပေးမဲ့ ညဘက်မှာ အသုံးပြုတာက အကျိုးဆက်ကို ကြုံတွေ့ရနိုင်ပါတယ်။ ပန်ကာနဲ့ အိပ်ရင် သင့်ခန္ဓာကိုယ်က ဘယ်လိုတုံ့ပြန်လာမလဲဆိုတာကို ပြောပြပေးပါမယ်။

သင့်ပါးစပ်နဲ့ နှာခေါင်းဆိုင်ရာ လေလမ်းကြောင်းတွေကို ခြောက်စေပါတယ်

အိပ်တဲ့အခါ ပန်ကာဖွင့်ထားတာက သင့်ခန္ဓာကိုယ်က အစိုဓာတ်နဲ့ ချွေးတွေကို ရေငွေ့ပျံ့သွားအောင် ကူညီပေးပြီး ရေဓာတ်ကုန်ခန်းတာ၊ ပါးစပ်နဲ နှာခေါင်းဆိုင်ရာ လေလမ်းကြောင်းခြောက်သွေ့တာတွေ ဖြစ်လာစေနိုင်ပါတယ်။ သင်က ပန်ကာဖွင့်ပြီးမှ အိပ်တတ်ရင် ဒီအကျိုးဆက်တွေက မြန်မြန်ဆန်ဆန်ပေါ်လာနိုင်တဲ့အတွက် သေချာအာရုံစိုက်ထားဖို့တော့လိုပါတယ်။ ဒါပေမဲ့ ရေတစ်ခွက်က သင်လိုအပ်တဲ့ ရေကို သိုလှောင်ဖို့အတွက် လုံလောက်ပါတယ်။

ဓာတ်မတည့်ခြင်းကို ပိုဆိုးရွားလာစေနိုင်တယ်

သင်က ဓာတ်မတည့်တဲ့ ရောဂါရှိတယ်ဆိုရင် ပန်ကာဖွင့်ပြီး အိပ်တာက ကောင်းတဲ့အကြံဉာဏ်တော့မဟုတ်ပါဘူး။ ပန်ကာလေက အလာဂျစ်အမှုန့်အမွှားတွေကို လည်ပတ်စေပြီး ပန်းနာရင်ကျပ်ရောဂါ၊ မျက်လုံးခြောက်တာ၊ မျက်လုံးဓာတ်မတည့်တာ၊ ဖျားနာနိုင်ချေတွေ တိုးလာစေနိုင်ပါတယ်။

ကြွက်တက်ခြင်းကို ဖြစ်စေနိုင်တယ်

ညဘက်မှာ အပူချိန်က မြန်မြန်ဆန်ဆန်လျော့နည်းသွားပြီး သင့်ခန္ဓာကိုယ်က ပန်ကာကထုတ်လုပ်တဲ့ အအေးနဲ့ထိတွေ့တာက ကြွက်သားနာကျင်တာ၊ ကြွက်တာတာတွေရဲ့အကြောင်းအရင်းတွေထဲက တစ်ခုပါပဲ။ ပန်ကာက ထုတ်လွှတ်တဲ့လေက ညဘက်မှာ သင့်အပူချိန်ကို တိုးလာစေပြီး ခေါင်းကိုက်တာ၊ ပျို့အန်တာလို အပူနဲ့ ဆက်စပ်တဲ့နေမကောင်းတာတွေဖြစ်လာနိုင်ပါတယ်။ ပန်ကာကို ဖွင့်အိပ်မယ့်အစား ဘယ်လိုလုပ်ရမလဲဆိုတာကိုလည်း မျှဝေပေးလိုက်ပါတယ်။

ပြတင်းပေါက်တွေ ဖွင့်အိပ်ပါ

ပူအိုက်တဲ့ညတွေအတွက် ရိုးရှင်းတဲ့ဖြေရှင်းနည်းက ပြတင်းပေါက်တွေ ဖွင့်ထားဖို့ပါပဲ။ သဘာဝအေးမြတဲ့လေက သင့်အခန်းကို အေးသွားစေပါလိမ့်မယ်။ ပြတင်းပေါက်ဖွင့်ထားလို့ ခြင်ကိုက်မှာ ဆိုးရင် ခြင်ပြေးဇကာကို ပြတင်းပေါက်မှာ တပ်ထားလို့ရပါတယ်။

အိပ်ရာအနီးနားမှာ ရေစိုတစ်ဘတ် (သို့) ရေဖြည့်ထားတဲ့ပုံးတစ်ပုံးထားပါ

သင့်အခန်း အေးနေစေဖို့ အိပ်ရာဘေးနားမှာ ရေစိုတစ်ဘတ် (သို့) ရေဖြည့်ထားတဲ့ပုံးကို ချထားပါ။ ဒီနည်းက သင့်အိပ်ခန်းထဲမှာ အစိုဓာတ်ရလာအောင် ကူညီပေးနိုင်ပါတယ်။

ပန်ကာကို နေရာပြောင်းပြီး ဖွင့်ထားပါ

သင်က ပန်ကာမပါဘဲ မအိပ်နိုင်ရင် ပန်ကာကို အခြားဘက်ကိ လှည့်ထားပြီး ဖွင့်ဖို့ကြိုးစားကြည့်ပါ။ ဒီနည်းက ပန်ကာလေကို သင့်ဆီ တိုက်ရိုက်ထိတွေ့စေမှာမဟုတ်ပါဘူး။ ဒါမှ အပြင်ဘက်လေတွေက သင့်အခန်းထဲဝင်လာအောင် ကူညီပေးနိုင်မှာဖြစ်ပါတယ်။

Ref: Why Sleeping With a Fan On Is Bad for You

WL (ရိုးရာလေး)