အမျိုးသမီးတစ်ဦးဟာ ၁၀ နှစ်ကြာအောင် ကိုမာဖြစ်နေတဲ့ ခင်ပွန်းဖြစ်သူကို ကိုယ်ကျိုးမငဲ့ဘဲ ပြုစုပေးခဲ့ပါတယ်။ အခုဆို သူ အခုလိုပြုစုပေးခဲ့တာကြောင့် ခင်ပွန်းဖြစ်သူက ကိုမာဖြစ်နေရာမှ နိုးထလာခဲ့ပါပြီ။ စန်ဟုန်ရှားဆိုသူ အဲ့ဒီအမျိုးသမီးဟာ ၂၀၁၄ ခုနှစ်က နှလုံးဖောက်ပြီး သတိမေ့မြောကာ ကိုမာဖြစ်သွားခဲ့တဲ့ ခင်ပွန်းဖြစ်သူကို လက်မလျော့ခဲ့ပါဘူး။ သူက ခင်ပွန်းဖြစ်သူ ပြန်လည်ကောင်းလာမယ်လို့ အမြဲခံစားမိနေခဲ့တာပါ။
သူက ခင်ပွန်းဖြစ်သူ ကိုမာကနေပြန်လည်ကောင်းမွန်လာဖို့ ချစ်ခြင်းမေတ္တာအပြည့်နဲ့ ဂရုစိုက်ကာပြုစုစောင့်ရှောက်ပေးခဲ့တာပါ။ လက်ရှိ လူမှုကွန်ယက်မှာ ပျံ့နှံ့နေတဲ့ ဗီဒီယိုမှာ စန်ဟုန်ရှားဟာ ကိုမာကနိုးထလာပြီး အိပ်ရာထဲလဲနေတဲ့ ခင်ပွန်းဖြစ်သူရဲ့ဘေးမှာ ထိုင်နေတာတွေ့ရပါတယ်။ လွန်ခဲ့တဲ့နှစ်အနည်းငယ်အကြောင်းကို ခင်ပွန်းဖြစ်သူကို ပြန်ပြောပြတော့ ခင်ပွန်းဖြစ်သူရဲ့မျက်ရည်တွေက ပါးပြင်ပေါ်စီးကျလာပါတယ်။
စန်ဟုန်ရှားက သူ ပင်ပန်းပေမဲ့ မိသားစုတွေ ပြန်လည်ဆုံစည်းတဲ့အခါ အရာအားလုံးအဆင်ပြေသွားမယ်လို့ သူ ခံစားမိကြောင်း ပြောပါတယ်။ ခင်ပွန်းဖြစ်သူ ရုတ်တရက်နှလုံးအမောဖောက်ပြီး ကိုမာဖြစ်သွားတဲ့အချိန် ထိတ်လန့်နာကျင်ခဲ့ရတယ်လို့ သူက ဆိုပါတယ်။
သူ့ကလေးတွေကြောင့်ပဲ သူဟာ သန်မာလာပြီး မျှော်လင့်ချက်ထားချင်စိတ်ဖြစ်လာခဲ့ပါတယ်။ ကလေးတွေအတွက် စံနမူနာကောင်းဖြစ်ဖို့ မျှော်လင့်ခဲ့တာပါ။ သူ့အတွေးတွေက ခင်ပွန်းဖြစ်သူ ပြန်နေကောင်းလာဖို့ပါပဲ။ မေ့မြောနေချိန်မှာ ခင်ပွန်းဖြစ်သူ သက်တောင့်သက်သာဖြစ်ဖို့ အချိန်ပေးခဲ့ပါတယ်။
အချိန်အကြာကြီးမေ့မြောခြင်းရဲ့ နောက်ထပ်ကျန်းမာရေးပြဿနာတွေရှိနေသေးတဲ့အတွက် စန်ဟုန်ရှားက သူ့ခင်ပွန်းဖြစ်သူကို ဆက်ပြီးပြုစုပေးရဦးမှာဖြစ်ပါတယ်။
Ref: Chinese Man Awakens From 10-Year Coma, Praises Wife’s Unconditional Care
WL (ရိုးရာလေး)
