မစ်ချီဂန်ရဲတပ်ဖွဲ့က တာဝန်ဝတ္တရားဆိုတာထက် ကိုယ်ချင်းစာစိတ်၊ အကြင်နာတရား ရှေ့ထားတဲ့ လုပ်ရပ်ကြောင့် လူအများရဲ့ချီးကျူးခြင်း ခံခဲ့ရပါတယ်။ လွန်ခဲ့တဲ့ သီတင်းပတ်အနည်းငယ်အကြာမှာ အသက် ၃၂ နှစ်အရွယ် အမျိုးသား မိုက်ကယ်က အထက်တန်းကျောင်းမှာ သူ့ရဲ့စကူတာလေးကို စီးနေတုန်း လူတစ်ယောက်က သူလည်း စမ်းစီးကြည့်ချင်တယ်လို့ ခွင့်တောင်းခဲ့ပါတယ်။
စိတ်ထားဖြူစင်ပြီး သဘောကောင်းတဲ့ မိုက်ကယ်ကလည်း စီးခွင့်ပေးလိုက်ပါတယ်။ ဒါပေမဲ့ အဲဒီလူက သူ ထင်သလို ရိုးရိုးသားသား မဟုတ်ခဲ့ဘဲ သူ့စကူတာကို ခိုးသွားခဲ့တာပါ။ ရို့စ်ဗီးလ်ရဲဌာနမှ ရဲစုံထောက် ဆက်ဒလာက ဒီအမှုအကြောင်း စုံစမ်းရင်း မိုက်ကယ်ရဲ့ ကြင်နာသနားတတ်ပုံနဲ့ စိတ်နေသဘောထားကို သိသွားပါတယ်။ ဆက်ဒလာနဲ့ သူ့လုပ်ဖော်ကိုင်ဖက်တစ်ယောက်က သူတို့ကိုယ်ပိုင် ပိုက်ဆံသုံးပြီး မိုက်ကယ်အတွက် (ခိုးခံရတာနဲ့ ချွတ်စွတ်တူတဲ့) စကူတာတစ်စီး ဝယ်ပေးဖို့ စီစဉ်ခဲ့တာပါ။
နောက်တော့ သူတို့ရဲ့ အစီအစဉ်ကို ရဲမှူးဘာလင်က သိသွားပြီး စကူတာဖိုးငွေကို အကုန်အကျခံပေးခဲ့ပါတယ်။ ပြီးခဲ့တဲ့ဗုဒ္ဓဟူးနေ့မှာတော့ ရို့စ်ဗီးရဲဌာနမှ အရာရှိတွေက မိုက်ကယ်နဲ့တွေ့ဆုံပြီး အံ့အားသင့်စရာလက်ဆောင်အဖြစ် စကူတာသစ်တစ်စီး ပေးအပ်ခဲ့တာပါ။ လုံးဝထင်မထားဘဲ စကူတာတစ်စီး လက်ဆောင်ရခဲ့တာကြောင့် မိုက်ကယ်ကလည်း အလွန်အံ့အားသင့်သွားခဲ့ပါတယ်။ ပြီးတော့ ရဲအရာရှိတွေဆီကနေ စကူတာ လက်ဆောင်ရတဲ့နေ့ဟာ သူ့မွေးနေ့ ဖြစ်နေတာကြောင့် အချိုပေါ် သကာလောင်းသလို ဖြစ်ခဲ့ရပါတယ်။
Ref:’It’s Like A Guardian Angel Came Down And Blessed Me’: Police Surprise Man With New Scooter After Theft
NZ ( ရိုးရာလေး)
