သံမဏိထက် အဆ ၅၀ ပိုမိုခိုင်ခံတယ်ဆိုတဲ့ သစ်သားတစ်မျိုးကို အခုနှစ် နှောင်းပိုင်းမှ စတင်ပြီး အများအပြား ထုတ်လုပ်သွားတော့မှာ ဖြစ်ပါတယ်။ အမေရိကန်နိုင်ငံ မေရီလန်းပြည်နယ်အခြေစိုက် စွန့်ဦးတီထွင် ကုမ္ပဏီ InventWood မှ ထုတ်လုပ်တဲ့ စူပါသစ်သား (Superwood)ဟာ မီးဘေး၊ ပိုးမွှားဘေးနဲ့ ရာသီဥတု ဘေးဒဏ်တွေကိုလည်း ခံနိုင်ရည် ရှိပါတယ်။
စူပါသစ်သားကို တီထွင်ခဲ့သူကတော့ အမေရိကန်တက္ကသိုလ်မှ သိပ္ပံပညာရှင် လျှံဘင်းဟူပါပဲ။ စူပါသစ်သားရဲ့ ထူးခြားချက်ကတော့ သဘာဝသစ်သားထက် ပိုမိုခိုင်ခံ့တဲ့အပြင် ဈေးလည်း ပိုသက်သာနေခြင်းပါပဲ။
စူပါသစ်သား ဖန်တီးရာမှာ လစ်ဂနင် (lignin)နဲ့ hemicellulose(ဟီမီဆယ်လူလို့စ်)တို့ကို ဖယ်ထုတ်ပြီး အပူပေးကာ ဖိလိုက်တဲ့ ပုံစံမျိုး ဖြစ်ပါတယ်။ အပူပေးပြီး ဖိလိုက်ချိန်မှာ ဆဲလ်နံရံတွေ ပြိုကျသွားပြီး ဆယ်လူလို့စ် နာနိုဖိုက်ဘာတွေကို စီစီရီရီ ဖြစ်စေတာကြောင့် ပိုမိုတောင့်တင်း ခိုင်မာသွားစေတာ ဖြစ်ပါတယ်။
Ref: Maryland-based startup InventWood will begin mass production of “Superwood” later this year
NZ ( ရိုးရာလေး)
