ပြင်သစ်မော်ဒယ်မလေး သီလိန် လီနာ ရို့စ် ဘလွန်ဒိုဟာ အသက် ၄ နှစ်အရွယ်မှာ ပထမဆုံးရှိုးလျှောက်ခဲ့ပြီး ၂ နှစ်အကြာ အသက် ၆ နှစ်မှာ ကမ္ဘာ့အလှဆုံးကောင်မလေးအဖြစ် သတ်မှတ်ခံခဲ့ရတာပါ။ အခုဆို မော်ဒယ်ဖြစ်ခဲ့တာ ဆယ်စုနှစ်တစ်ခုကျော်ခဲ့ပြီး အသက် ၂၁ နှစ်ရှိနေပါပြီ။ မော်ဒယ်ဆက်လုပ်နေတဲ့အပြင် သရုပ်ဆောင်လည်း လုပ်နေပါတယ်။
သီလိန် လီနာက ပြင်သစ်လူမျိုး ပရီမီးယားလိဂ်ဘောလုံးသမားဟောင်း ပက်ထရစ် ဘလွန်ဒိုနဲ့ တီဗီအစီအစဥ်တင်ဆက်သူ၊ဖက်ရှင်ဒီဇိုင်နာ ဗီရိုနီကာ လိုဘရီတို့ရဲ့သမီးပါ။ သူ့မိဘတွေက ၂၀၁၆ ခုနှစ်မှာ ကွာရှင်းခဲ့ကြပါတယ်။ ဖော်လိုဝါ ၆ သန်းကျော်ရှိတဲ့ သူ့ရဲ့အင်စတာဂရမ်အကောင့်မှာ သူ့အမေ၊ သူ့မောင်လေးတွေနဲ့ ရိုက်ထားတဲ့ဓာတ်ပုံတွေကို တင်တာတွေ့ရပါတယ်။ သူ့အတွက် ကမ္ဘာပေါ်မှာ အပျော်ရွှင်ဆုံးနေရာဟာ သူ့အမေ၊သူ့မောင်လေးတွေနဲ့အတူ နေနိုင်တဲ့နေရာပါတဲ့။
သီလိန် လီနာက နာမည်ကြီးမဂ္ဂဇင်းတော်တော်များများမှာ မျက်နှာဖုံးမော်ဒယ်အဖြစ်လည်း ပါဝင်ခဲ့ပါတယ်။ နာမည်ကြီးကုန်အမှတ်တံဆိပ်တွေနဲ့လည်း လက်တွဲလုပ်ကိုင်ခဲ့ပါတယ်။ သူဟာ သရုပ်ဆောင်အနေနဲ့ ၂၀၁၅ ခုနှစ်ရဲ့ Belle & Sebastian: The Adventure Continues မှာ ပထမဆုံးပါဝင်ခဲ့ပြီး ၂၀၁၈ ခုနှစ်မှာ Heaven May ကိုယ်ပိုင်ဖက်ရှင်အမှတ်တံဆိပ်ကို ထုတ်ခဲ့ပါတယ်။
သီလိန် လီနာက စီးပွားရေးလုပ်ငန်းရှင် ဘာဂျမင် အက်တယ်နဲ့ တွဲနေပြီး စေ့စပ်ထားတယ်လို့လည်း သတင်းထွက်ရှိထားပါတယ်။
Ref: Meet French model Thylane Blondeau, ‘the most beautiful girl in the world’ at age six
WL (ရိုးရာလေး)
