ဟယ်ရီမင်းသားနဲ့မီဂန် မာကယ်တို့ဟာ ပရိသတ်တွေကို သူတို့ရဲ့ရှားပါးမိသားစုဓာတ်ပုံကို ၂၀၂၄ ခုနှစ် ခရစ္စမတ်ကတ်နဲ့ ချပြလိုက်ပါတယ်။ ဒီဂျစ်တယ်ခရစ္စမတ်ကတ်ဟာ သူတို့ကလေး ၂ ဦးနဲ့အတူ ကြည်နူးစရာပုံရိပ်အပါအဝင် ဓာတ်ပုံ ၆ ပုံပါရှိပြီး ဒီဇင်ဘာ ၁၆ ရက်နေ့က ထွက်ရှိခဲ့တာပါ။
ရှားပါးမိသားစုဓာတ်ပုံမှာဆိုရင် မင်းသားလေးအာခီ (အသက် ၅ နှစ်) နဲ့ မင်းသမီးလေး လီလီဘတ် (အသက် ၃ နှစ်) တို့ရဲ့ကျောဘက်ကို မြင်တွေ့ရပါတယ်။ ကလေးတွေရဲ့ ဆံပင်လေးတွေက ဟယ်ရီမင်းသားရဲ့ဆံပင်အရောင်ကို အမွေဆက်ခံထားပါတယ်။ ဆံပင်ထူတာကတော့ မီဂန်မာကယ်ရဲ့ဆံပင်လိုပါပဲ။
လီလီဘတ်က ပွေ့ဖက်ဖို့ စောင့်နေတဲ့ ဖခင်ဆီပြေးလာနေပြီး အာခီကတော့ မိခင်ဆီပြေးလာနေတာကို ဓာတ်ပုံထဲမှာ တွေ့ရပါတယ်။ သူတို့မိသားစုကို ခွေးလေး ၃ ကောင်ကလည်း ဝန်းရံထားပါတယ်။
နောက်ထပ်ပုံတွေကတော့ ဟယ်ရီနဲ့မီဂန်တို့နှစ်ယောက်ရဲ့အခမ်းအနားပွဲတက်ပုံရိပ်တွေအပြင် မီဂန်က ပရဟိတပွဲတစ်ခုမှာ ကလေးမလေးတစ်ဦးကို ပွေ့ဖက်နေတဲ့ပုံနဲ့ မင်းသားဟယ်ရီက ဆေးရုံတစ်ရုံမှာ လူနာတစ်ဦးရဲ့လက်ကို ကိုင်ထားတဲ့ပုံတွေလည်းပါဝင်ပါတယ်။ “မင်းသားဟယ်နဲ့ မီဂန် (အလွန်ပျော်ရွှင်ဖွယ်အားလပ်ရက်ရာသီနဲ့ ပျော်ရွှင်စရာနှစ်သစ်ဖြစ်ပါစေကြောင်း ဆူးဆက်စ်နယ်စားနဲ့ နယ်စားကတော်) ရုံး၊ Archewell Productions နဲ့ Archewell Foundationတို့ရဲ့ကိုယ်စား ဆုမွန်ကောင်းတောင်းအပ်ပါသည်”ဆိုတဲ့ ဆုတောင်းစာလည်း ကတ်မှာပါရှိပါတယ်။
မင်းသားဟယ်ရီနဲ့ မီဂန်မာကယ်တို့ဟာ ၂၀၁၈ ခုနှစ် မေလကတည်းက လက်ထပ်ခဲ့ကြပြီး သားသမီး ၂ ဦးနဲ့အတူ ကယ်လီဖိုးနီးယားပြည်နယ်မှာ နေထိုင်နေတာပါ။
Ref: Prince Harry and Meghan Markle share rare family photo of Archie and Lilibet in 2024 holiday card
WL (ရိုးရာလေး)
