စတန်းဖို့ဒ်တက္ကသိုလ်ရဲ့ ၂၀၂၄ ခုနှစ် ဘွဲ့နှင်းသဘင်အခမ်းအနားကတော့ အံ့အားသင့်စရာ ဖြစ်ခဲ့ပါတယ်။ ဘာကြောင့်လဲဆိုတော့ အသက် ၁၀၅ နှစ်အရွယ် အဘိုးအိုက မာစတာဘွဲ့ အပ်နှင်းခံခဲ့ရတာကြောင့်ပါပဲ။ သူ့ရဲ့ပညာရေးခရီးလမ်းမှာ ကြီးမားတဲ့ အဟန့်အတားတွေ ကြုံခဲ့ရပေမဲ့ ဗာဂျီးနီးယားဟစ်လော့က ဇွဲမလျှော့ခဲ့ဘဲ ရည်မှန်းချက်ကို မဆုတ်မနစ် အကောင်အထည် ဖော်ခဲ့တာပါ။
![](https://yoyarlay.com/wp-content/uploads/2024/06/25.6.2024-yyl-4.jpg)
ဟစ်လော့ဟာ ၁၉၄၀ ပြည့်နှစ်တုန်းက စတန်းဖို့ဒ်တက္ကသိုလ်မှာ ပညာသင်ကြားနေရင်း မာစတာဘွဲ့အတွက် စာတမ်းပြုစုနေခဲ့တာပါ။ ဒါပေမဲ့ အဲဒီအချိန်မှာပဲ အမေရိကန်က ဒုတိယကမ္ဘာစစ်ထဲ ရောက်သွားခဲ့ပြီး သူ့ရဲ့ခင်ပွန်းလောင်း ဂျော့ကလည်း စစ်မှုထမ်းခဲ့ရတာကြောင့် ပညာရေးကို ရပ်နားခဲ့ရပါတယ်။
![](https://yoyarlay.com/wp-content/uploads/2024/06/25.6.2024-yyl-5.png)
ဒုတိယကမ္ဘာစစ် ပြီးဆုံးသွားချိန်မှာတော့ ဟစ်လော့က သင်ကြားရေးလက်မှတ်နဲ့ စာသင်တဲ့အလုပ်ကို နှစ်ရှည်လများ လုပ်ခဲ့ပါတယ်။ တခြားသူတွေရဲ့ ပညာရေးတိုးတက်ဖို့ တစိုက်မတ်မတ် ကြိုးစားအားထုတ်ပေးခဲ့တာပါ။ နှစ်ပေါင်း ၈၀ ကျော် ကြာမြင့်ချိန်မှာတော့ ဟစ်လော့ဟာ တချိန်က သူတက်ခဲ့ဖူးတဲ့ စတန်းဖို့ဒ်တက္ကသိုလ် ပရဝုဏ်ထဲကို တစ်ကျော့ပြန် ခြေချခွင့်ရခဲ့ပြီး သားသမီး၊ မြေး၊ မြစ်တွေနဲ့အတူ မာစတာဘွဲ့ ယူနိုင်ခဲ့တာပါ။
Ref:She Finally Earned Her Stanford Master’s Degree at 105: ‘I’ve waited a long time for this’
NZ ( ရိုးရာလေး)