မြန်မာပရိသတ်တွေ အားပေးနှစ်ခြိုက်ခဲ့တဲ့ “The Glory” ဇာတ်လမ်းတွဲမှာ မင်းသမီးဆောင်ဟေဂျိုရဲ့မိခင်အဖြစ် ပါဝင်ခဲ့တဲ့ မင်းသမီးပတ်ဂျီအာဟာ အသက် ၅၂ နှစ်အရွယ်မှာ ကွယ်လွန်သွားခဲ့ပါပြီ။ စက်တင်ဘာ ၃၀ ရက်နေ့ မနက်ခင်းမှာ ပတ်ဂျီအာကွယ်လွန်သွားခဲ့တယ်ဆိုတာကို မီဒီယာတစ်ခုက ထုတ်ပြန်ခဲ့တာပါ။ “မကြာသေးခင်က ပတ်ဂျီအာဟာ ဦးနှောက်သွေးကြောပေါက်ခြင်းကြောင့် မေ့လဲသွားကာ ဆေးရုံမှာကုသခဲ့ပေမဲ့ ကံမကောင်းစွာနဲ့ ပြန်လည်သက်သာမလာဘဲ သေဆုံးခဲ့ရတယ်”လို့ ပတ်ဂျီအာရဲ့ရင်းနှီးတဲ့မိတ်ဆွေသူငယ်ချင်းရဲ့ပြောစကားအရ သိရပါတယ်။
ပတ်ဂျီအာရဲ့အေဂျင်စီ BILLIONS ကလည်း အခုလိုထုတ်ပြန်ထားပါတယ်။
“မင်းသမီးပတ်ဂျီအာရဲ့အေဂျင်စီ BILLIONS ကပါ။ ဒီဝမ်းနည်းကြေကွဲဖွယ်ရာသတင်းကို မျှဝေပေးရတာ ကျွန်တော်တို့ အရမ်းစိတ်မကောင်းဖြစ်ရပါတယ်။ ဒီကနေ စက်တင်ဘာ ၃၀ ရက်နေ့မှာ ဦးနှောက်သွေးကြောပေါက်ပြီး ပတ်ဂျီအာ ကွယ်လွန်သွားခဲ့ပါတယ်။ သူ့အသက် ၅၂ နှစ်ပါ။ ကွယ်လွန်သူအတွက် ဈာပနခန်းမကို Asan Medical Center က Room 2 မှာ ထားရှိဖို့ စီစဉ်ထားပါတယ်။ ဈာပန အခမ်းအနားကို အောက်တိုဘာ ၂ ရက်နေ့ မနက် ၁၀ နာရီမှာ ပြုလုပ်မှာဖြစ်ပါတယ်။ BILLIONS က ကွယ်လွန်သူ မြတ်နိုးတန်ဖိုးထားခဲ့တဲ့ သရုပ်ဆောင်အပေါ်စိတ်နှစ်ထားမှုကို အဆုံးသတ်ထိ ထာဝရသတိရသွားမှာပါ။ ထပ်ပြီးတော့ သူ ကွယ်လွန်သွားတဲ့အပေါ် ထပ်တူထပ်မျှဝမ်းနည်းရပြီး ငြိမ်းချမ်းစွာ အိပ်စက်နိုင်ပါစေလို့ ဆုတောင်းပေးလိုက်ရပါတယ်”
ပတ်ဂျီအာက ၂၀၀၂ ခုနှစ် ဇာတ်ကား “The Coast Guard”နဲ့ သရုပ်ဆောင်လောကထဲဝင်ရောက်ခဲ့ပါတယ်။ The Glory ဇာတ်လမ်းတွဲမှာ မင်းသမီးဆောင်ဟေဂျိုရဲ့မိခင် ဂျန်မီဟီးအဖြစ် ပါဝင်ခဲ့ပြီးတော့ သူ့ရဲ့သရုပ်ဆောင်စွမ်းရည်ကို ကောင်းကောင်းချပြသွားခဲ့ပါတယ်။
Ref: “The Glory” Star Park Jia Passes Away After Battle With Cerebral Infarction
WL (ရိုးရာလေး)
