ခါအီအာ အာရာဂွန်က ကော်လိုရာဒိုပြည်နယ်မှာ နေထိုင်တဲ့ အသက် ၉ နှစ်အရွယ် မူလတန်းကျောင်းသူလေးတစ်ယောက်ပါ။ လွန်ခဲ့တဲ့ရက်သတ္တပတ်အနည်းငယ်က သူဟာ ကိုယ်တိုင်ချုပ်လုပ်ထားတဲ့ အဝတ်အစားတွေနဲ့ လူမှုကွန်ယက်အသုံးပြုသူတွေကို ဆွဲဆောင်ထားပါတယ်။ ငယ်ရွယ်တဲ့ အထည်ချုပ်သမလေးအနေနဲ့ နာမည်ကြီးဖက်ရှင်ဒီဇိုင်နာ ဗီရာ ဝမ်ရဲ့အာရုံကိုတောင် ဖမ်းစားထားနိုင်ခဲ့ပါတယ်။ ဒီဇိုင်နာ ဗီရာက ခါအီအာကို သူ့ရဲ့ကိုယ်ပိုင်အပ်ချုပ်စက်ကိုလည်း လက်ဆောင်ပေးခဲ့တာပါ။
![](https://yoyarlay.com/wp-content/uploads/2022/08/16-8-2022-yyl-02.jpg)
ခါအီအာက သူ့ရဲ့ကိုယ်ပိုင်အဝတ်အစားတွေကို စတင် ချုပ်လုပ်ဖန်တီးဖြစ်ခဲ့တာက ၂၀၂၁ ခုနှစ် နိုဝင်ဘာလမှာပါ။ အဲဒီကတည်းက အဝတ်အစားချုပ်လုပ်တာကို မရပ်တန့်ဖြစ်ခဲ့ပါဘူး။ အနာဂတ်မှာလည်း ခါအီအာလေးက ပရော်ဖက်ရှင်နယ်ဖက်ရှင်ဒီဇိုင်နာတစ်ဦးဖြစ်လာဖို့ မျှော်လင့်ထားပါတယ်။
![](https://yoyarlay.com/wp-content/uploads/2022/08/16-8-2022-yyl-03.jpg)
သူ့ရဲ့ကိုယ်တိုင်ဖန်တီးချုပ်လုပ်တဲ့ဝတ်စုံဒီဇိုင်းတွေကို အင်စတာဂရမ်မှာ တင်လေ့ရှိပါတယ်။ သူက သူ့ရဲ့ဝတ်စုံတစ်ခုချင်းစီကို ဓာတ်ပုံရိုက်ပြီး သူ့ရဲ့ကိုယ်ပိုင်ဖန်တီးမှုတွေ ပြသရတာကို ပျော်ရွှင်နေတာပါ။ သူ့ရဲ့ဒီဇိုင်းတွေအတွက် ဘယ်ကနေ အတုယူလဲဆိုတာကိုလည်း ခါအီအာက ဖွင့်ဟခဲ့ပါတယ်။ “ဒီဇိုင်းတိုင်းအတွက် သမီးရဲ့စိတ်ကူးစိတ်သန်းက မတူညီတဲ့ နေရာတွေကနေ လာပါတယ်။ တူညီတဲ့အရာတစ်ခုကတော့ အရမ်းနူးညံ့ပြီး သက်တောင့်သက်သာရှိတဲ့ အထည်တွေကိုပဲ သုံးတာပါ”
![](https://yoyarlay.com/wp-content/uploads/2022/08/16-8-2022-yyl-04.jpg)
ခါအီအာက သူ့အသက်အရွယ်မိန်းကလေးတွေအတွက် ရနိုင်တဲ့ ဖန်စီအဝတ်အစားတွေက အရမ်းမာပြီး သက်တောင့်သက်သာမဖြစ်တဲ့အတွက် ကိုယ်တိုင် အဝတ်အစားတွေကို ဖန်တီးချုပ်လုပ်ဖြစ်ခဲ့တာပါ။ သူ့ရဲ့ကိုယ်ပိုင်အဝတ်အစားတွေက ဖက်ရှင်ကျတဲ့အပြင် သက်တောင့်သက်သာလည်း ရှိပါတယ်။
![](https://yoyarlay.com/wp-content/uploads/2022/08/16-8-2022-yyl-05.jpg)
ကိုယ်တိုင် ဖန်တီးချုပ်လုပ်ခဲ့တဲ့ ဝတ်စုံအများကြီးထဲမှာ သူ အကြိုက်ဆုံးဝတ်စုံက လက်နဲ့ ဆေးခြယ်ထားတဲ့ အထည်နဲ့ ချုပ်ထားတဲ့ ပန်းရောင်ဖျော့ဖျော့ဖဲသားဝတ်စုံပါပဲ။ ခါအီအာက စူပါဟီးရိုးဝတ်စုံတွေကိုလည်း တီထွင်ဖန်တီးဖြစ်ပါတယ်။ ရုပ်ရှင်ရုံမှာ ‘Thor: Love and Thunder” ဇာတ်ကားသစ်ကို ကြည့်ဖို့အတွက် Thor ဝတ်စုံကို အချိန်မီ ဒီဇိုင်းဆွဲဖန်တီးချုပ်လုပ်ခဲ့တာပါ။
![](https://yoyarlay.com/wp-content/uploads/2022/08/16-8-2022-yyl-06.jpg)
ခါအီအာရဲ့အင်စတာဂရမ်အကောင့်က Kaia Rae Designs ဆိုတဲ့နာမည်နဲ့ပါ။ လက်ရှိမှာတော့ သူ့အမေက သူ့ရဲ့အကောင့်ကို ကိုင်ပေးထားပါတယ်။ သူ့ရဲ့ဝတ်စုံဒီဇိုင်းတွေကို သူ့ရဲ့အင်စတာဂရမ်အကောင့်မှာ သွားကြည့်လို့ရပါတယ်။
Ref: Upworthy “This talented 9-year-old has a closet full of outfits she has sewn herself”