၁၆ရက်နေ့စိန်ခေါ်ပွဲအတွက် အဆင်သင့်ဖြစ်နေပြီလို့ ပြောတဲ့ ချန်ပီယံဟောင်း ထွန်းထွန်းမင်း

ဆယ်စုနှစ်အတွင်း မြန်မာ့လက်ဝှေ့လောကရဲ့ အပြင်းထန်ဆုံးနဲ့အကြီးမားဆုံးစိန်ခေါ်မှုဖြစ်တဲ့ မြန်မာပြည်ချန်ပီယံလုပွဲကို ဒီဇင်ဘာ ၁၆ ရက်နေ့မှာ ယှဉ်ပြိုင်ထိုးသတ်သွားတော့မှာပါ။

အဲဒီပွဲစဉ်မှာ မြန်မာပြည်ချန်ပီယံဟောင်း ထွန်းထွန်းမင်းက လက်ရှိချန်ပီယံ ဒေဗ့် (ဒေဝ) ကို စိန်ခေါ်ထိုးသတ်သွားမှာဖြစ်ပါတယ်။

ထွန်းထွန်းမင်းနဲ့ဒေဗ့်တို့ဟာ မြန်မာပြည်ချန်ပီယံလုပွဲမှာ ၂ ကြိမ်တိုင်တွေ့ဆုံခဲ့ဖူးပြီး ပထမအကြိမ်ယှဉ်ပြိုင်မှုမှာ သရေကျခဲ့ကာ ဒုတိယအကြိမ်ယှဉ်ပြိုင်ထိုးသတ်မှုမှာတော့ ထွန်းထွန်းမင်းက ရှုံးနိမ့်ထားခဲ့တာပါ။ အခုပွဲကတော့ သူတို့နှစ်ဦးပြန်လည်တွေ့ဆုံကြတဲ့ တတိယမြောက်ပွဲစဉ်ဖြစ်ပါတယ်။

ထွန်းထွန်းမင်းက ဝိတ်တန်း ၇၈ ကီလို၊ အရပ် ၅ပေ ၉ လက်မရှိပြီး ယှဉ်ပြိုင်ထိုးသတ်ခဲ့တဲ့ပွဲပေါင်း ၆၂ ပွဲမှာ ၄၉ ပွဲနိုင်၊ ၁၁ ပွဲ သရေ၊ နှစ်ပွဲရှုံး ယှဉ်ပြိုင်ထိုးသတ်ထားတာပါ။ သူဟာ ရိုးရာလက်ဝှေ့ ရွှေခါးပတ်ချန်ပီယံဟောင်းတစ်ဦး ဖြစ်ခဲ့သလို Air KBZ အောင်လံဆုရှင်လည်းဖြစ်ပါတယ်။

Team (ရိုးရာလေး)

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top