ကိုယ်ချင်းစာမှု။ ။ မိမိမတွေ့ကြုံ၊ မခံစားလိုသော နာကြင်မှု၊ စိတ်ဆင်းရဲမှုမျိုးကို တခြားသူ အပေါ်မှာလဲ မဖြစ်စေလို၊ မခံစား စေလိုခြင်း။
တာဝန်ယူမှု။ ။ မိမိပယောဂ မကင်းဘဲ တဖက်သား ထိခိုက်နစ်နာမှု မရှိအောင် ရှောင်ကြဉ်ခြင်း။ နစ်နာမှုဖြစ်လာလျင်လည်း မိမိတတ်နိုင်သလောက် အကောင်းဆုံး ပြန်လည်ဖြည့်စည်းပေးခြင်း။
မေတ္တာတရား။ ။ မိမိအပေါ် ကောင်းသည်ဖြစ်စေ၊ မကောင်းသည်ဖြစ်စေ ထိုသူတို့အပေါ် ချမ်းသာသုခတို့သာ ဖြစ်ပေါ်စေလိုခြင်း။
ဥပေက္ခာ။ ။ တပါးသား၏ အပြုအမူများ၊ သုခ/ဒုက္ခ မှန်သမျှကို မသိကျိုးကျွံ လစ်လျူရှုလိုက်ခြင်း။
ဒေါသ။ ။ မိမိနှင့်သဟဇာတ မဖြစ်သော အကြောင်းတရားတို့ ပေါ်လာတိုင်း အသိဉာဏ် ဆင်ခြင်တုံတရားမှ လွတ်မြောက်၍ ကြမ်းတမ်းခက်ထန်လာခြင်း။
လောဘ။ ။ လိုအပ်သည်ထက် ပိုမိုပိုင်ဆိုင်လိုခြင်း။
အာဃာတ။ ။ မိမိကို စိတ်/ရုပ် ပိုင်းဆိုင်ရာ တစ်ခုခုအပေါ် နစ်နာစေသူအား အတေးအမှတ်ကြီးစွာ လက်တုံ့ပြန်လိုခြင်း။
*** ကောက်ကျစ်စဉ်းလဲမှု၏ မူလဇစ်မြစ်သည် လောဘ သို့မဟုတ် အာဃာတ ပင်ဖြစ်သည်။
အထက်ပါ အကြောင်းအရာများသည် စာရေးသူ၏ မှတ်သားမိသည်များမှ ကောင်းနိုးရာရာများကို ပြန်လည်ကောက်နှုတ်ထားခြင်းသာ ဖြစ်၍ လွတ်လပ်စွာ သဘောထား ကွဲလွဲနိုင်ပါသည်။
