နောက်ဆုံးပေါ် တမူထူးခြားသော အသုံးပြုမှုအတွေ့အကြုံများအား ယူဆောင်လာပေးမည့် Samsung Galaxy A54 5G နှင့် Galaxy A34 5G စမတ်ဖုန်းများအား မြန်မာနိုင်ငံတွင် ယနေ့စတင်မိတ်ဆက်ခဲ့သည်။
အဆိုပါ Galaxy A Series စမတ်ဖုန်းများတွင် ပါဝင်လာသည့် အဆင့်မြှင့်တင် ထားသော နောက်ဆုံးပေါ် လုပ်ဆောင်ချက်များကြောင့် သုံးစွဲသူများအနေဖြင့် မည်သို့သော အလင်းရောင် ရရှိမှု အခြေအနေမျိုးတွင်မဆို ကြည်လင်ပြတ်သားမှု အပြည့်ရှိသော ဓာတ်ပုံနှင့် ဗီဒီယိုများအား ရိုက်ကူးသိမ်းဆည်းသွားနိုင်ရန်၊ ရေစို အကြမ်းခံနိုင်ရည်ရှိစေရန်၊ ၂ ရက်တာ ကြာရှည်ခံသည့် ဘက်ထရီပမာဏကြောင့် ပိုမိုအဆင်ပြေစွာဖြင့် အပူအပင်မရှိ အသုံးပြုနိုင်ရန် ပြီးပြည့်စုံမှု အရှိဆုံး ကူညီထောက်ပံ့ပေးသွားမည်ဖြစ်သည်။
နောက်ဆုံးပေါ် Galaxy A54 5G နှင့် Galaxy A34 5G စမတ်ဖုန်းများအား မြန်မာနိုင်ငံတစ်ဝန်းတွင် ၂၀၂၃ ခုနှစ် မတ်လ ၁၆ ရက်နေ့မှ ၃၀ ရက်နေ့အတွင်း ကြိုတင်မှာယူသွားနိုင်မည် ဖြစ်ပြီး ကြိုတင်မှာယူသူများအနေနှင့်
- Galaxy A34 5G စမတ်ဖုန်းအတွက် Original Card Slot Cover နှင့် Travel Adapter
- Galaxy A54 5G စမတ်ဖုန်းအတွက် Original Silicone Grip Cover နှင့် Travel Adapter
များအား Pre-Order လက်ဆောင်များအဖြစ် ရရှိသွားနိုင်မည့်အပြင် အထူးအကျိုးခံစားခွင့် အဖြစ် ၂၀၂၃ ခုနှစ် မေလ ၂၇ ရက်နေ့တွင် ဘန်ကောက်၌ ကျင်းပမည့် ၆ သိန်းတန် Blackpink World Tour (Born Pink) လက်မှတ်အစောင် ၂၀ ကိုလည်း ကံစမ်းခွင့် ရရှိသွားမည် ဖြစ်သည်။
Galaxy A54 5G မှာ 8GB / 256GB ဖြစ်ပြီး Awesome Lime, Awesome Graphite, Awesome Violet အရောင် ၃ ရောင် ရွေးချယ်နိုင်မည်ဖြစ်ကာ ၁၄ သိန်း၊ ၉ ထောင်ကျပ်၊Galaxy A34 5G မှာ 8GB / 128GB ဖြစ်ပြီး ၁၀ သိန်း ၉သောင်းခွဲကျပ် ကျသင့်မည်ဖြစ်သည်။
နောက်ဆုံးပေါ် Galaxy A54 5G နှင့် Galaxy A34 5G စမတ်ဖုန်းများအား ကနဦးပေးသွင်းငွေ မြန်မာငွေကျပ် ၅၀,၀၀၀ ပေးသွင်း၍ ဤလင့်ခ် တွင် ကြိုတင်မှာယူနိုင်မည်ဖြစ်ပြီး ၂၀၂၃ ခုနှစ်၊ မတ်လ (၃၁) ရက်နေ့မှစတင်၍ ကြိုတင်မှာယူထားသော ဖုန်းအရောင်းဆိုင်ကြီးများတွင် လက်ကျန်ငွေတန်ဖိုး အပြည့်အဝပေးသွင်း၍ သွားရောက်ထုတ်ယူနိုင်မည် ဖြစ်သည်။
Pre-Order အစီအစဉ်နှင့် ပတ်သက်၍ အသေးစိတ် ထပ်မံ သိရှိလိုပါက Samsung Contact Center – 01 2399888 သို့ ဖြစ်စေ Samsung Myanmar ၏ တရားဝင် Facebook စာမျက်နှာ တွင် ဖြစ်စေ ဆက်သွယ်စုံစမ်းမေးမြန်းသွားနိုင်မည် ဖြစ်သည်။
Team (ရိုးရာလေး)
