မြန်မာပရိသတ်တွေရော နိုင်ငံတကာက ပရိသတ်တွေပါ ကြိုက်နှစ်သက်ခဲ့ရတဲ့ ထိပ်တန်းထိုင်းမင်းသားချော James Jirayu ဟာ သားဦးလေးကို ပိုင်ဆိုင်သွားခဲ့ပါပြီ။ ဇနီးဖြစ်သူ Foam က သားဦးလေးကို ဇန်နဝါရီ ၂၂ ရက်နေ့က မွေးဖွားခဲ့ပါတယ်။
သားဦးလေးရဲ့ချစ်စရာဓာတ်ပုံတွေကို အင်စတာဂရမ်အကောင့်မှာ James က မျှဝေပေးခဲ့တာပါ။ ” သူ့ရဲ့ခံစားချက်ကတော့ ပျော်ရွှင်လွန်းလို့ သားလေးအပေါ်ထားတဲ့ ချစ်ခြင်းမေတ္တာ ဘယ်လောက်နက်ရှိုင်းသလဲ၊ ဘယ်လောက်ပျော်ရွှင်ရသလဲ မသိလောက်အောင်ကိုဖြစ်နေတာပါ။ ရှင်းပြလို့မရနိုင်တဲ့ ခံစားချက်ပါပဲ။ အရမ်းအရမ်းကိုထူးကဲလို့နေပါတယ် ” လို့လည်း ရေးသားထားပါတယ်။ ဓာတ်ပုံတွေတင်ခဲ့တာအပြင် သားဦးလေးရဲ့နာမည်ပြောင်က ချစ်ခြင်းမေတ္တာတွေ့ရှိခြင်းလို့ အဓိပ္ပာယ်ရတဲ့ Nong Phoprak ဖြစ်တယ်လို့ James က ထုတ်ပြောထားပါတယ်။
James Jirayu က ဇနီးဖြစ်သူ Foam နဲ့ ချစ်သူသက်တမ်း ၁၀ နှစ်ကျော်အကြာ ပြီးခဲ့တဲ့နှစ် ဒီဇင်ဘာ ၁၉ ရက်နေ့မှာ လက်ထပ်ခဲ့တာဖြစ်ပါတယ်။
Ref: A Heartthrob James Jirayu Welcomed His First Newborn Son to The Family
WL (ရိုးရာလေး)
