အေးမြမှုကို ၂ နာရီကြာ ထိန်းထားပေးနိုင်တဲ့ ပဝါ ထုတ်လုပ်ရောင်းချနေတဲ့ ဆယ်ကျော်သက်လူငယ်ဟာ အခြားပြိုင်ပွဲဝင် ၁၅၀၀၀ ကို ကျော်ဖြတ်ပြီး CoCreate Pitch ပြိုင်ပွဲမှာ ဗိုလ်စွဲပြီး ဆုကြေးငွေ အမေရိကန်ဒေါ်လာ ၂ သိန်း ဆွတ်ခူးသွားခဲ့ပါတယ်။
အင်္ဂလန်နိုင်ငံ အရှေ့ပိုင်း အက်ဆက်ကောင်တီမှာ နေထိုင်တဲ့ အသက် ၁၆ နှစ်အရွယ် လူငယ် ဟာရစ်ဆင်နော့ဟာ ကျောင်းတက်နေရင်းနဲ့ ၂ နာရီ အအေးခံပဝါကို ထုတ်လုပ်ရောင်းချနေတာဖြစ်ပြီး သူ့ရဲ့ကုမ္ပဏီကို CoolTowel လို့ အမည်ပေးထားပါတယ်။
အေးမြမှုကို ကြာရှည်ထိန်းထားနိုင်ဖို့ အစိုဓာတ်ထိန်းသိမ်းဖို့အတွက် ပိုလီစတားအလွှာ ၃ လွှာနဲ့ ဖန်တီးထားတာလို့ ဆိုပါတယ်။
ပြီးခဲ့တဲ့နှစ်မှာ သူ့ကုမ္ပဏီက ဝင်ငွေ ပေါင် ၁ သိန်းအထိ ရရှိခဲ့ပြီး လက်ရှိအချိန်အထိ ကုန်ပစ္စည်းမှာယူမှု ၃၀၀၀၀ ကျော်ကို ပို့ဆောင်ပေးနိုင်ခဲ့ပါတယ်။
သူဟာ TikTok ၊ Shopify ဝက်ဘ်ဆိုက်ကနေ ပဝါတွေကို ရောင်းချလျက်ရှိပြီး ပြီးခဲ့တဲ့နွေရာသီမှာတော့ တစ်ရက်တည်း ပေါင် ၁၅၀၀၀ ဖိုးအထိ ရောင်းချနိုင်ခဲ့တဲ့အထိ အလုပ်ဖြစ်ခဲ့ပါတယ်။ ကိုယ်ပိုင်လုပ်ငန်း လုပ်ကိုင်တဲ့ သူ့အဖေကို အားကျပြီး သူလည်း ကိုယ်ပိုင်လုပ်ငန်း လုပ်ချင်စိတ် ပြင်းပြလာလို့ အခုလို တီထွင်ကြံဆခဲ့တာလို့ ဟာရစ်ဆန်နော့က ဆိုပါတယ်။
Ref: Boy Selling Towel That Stays Cool for 2 Hours Wins $200,000 in Prize Money
NZ (ရိုးရာလေး)
