ကလေးသရုပ်ဆောင်အဖြစ်ကနေ နာမည်ကြီးမင်းသားဖြစ်လာတဲ့ မင်းသား ယူဆွန်းဟိုနဲ့ မင်းသမီး လင်မ်ဆယ်ဂျူတို့ဟာ ၆ နှစ်ကြာ ချစ်သူတွေဖြစ်ခဲ့ကြတယ်ဆိုတဲ့ သတင်းတွေထွက်ပေါ်လာခဲ့ပါတယ်။ ဆွန်းဟိုနဲ့ ဆယ်ဂျူတို့ဟာ ၂၀၂၀ ခုနှစ် မတ်လမှာ ထွက်ရှိခဲ့တဲ့ Memorist ဇာတ်လမ်းတွဲနဲ့ ပထမဆုံးဆုံတွေ့ခဲ့ပြီးနောက် ချစ်သူတွေဖြစ်လာခဲ့တယ်လို့ သတင်းမီဒီယာတစ်ခုက အောက်တိုဘာ ၈ ရက်နေ့မှာ ထုတ်ပြန်ခဲ့ပါတယ်။
သူတို့နှစ်ဦးဟာ အဲ့ဒီဇာတ်လမ်းတွဲပြီးနောက် သရုပ်ဆောင်ပိုင်းနဲ့ပတ်သက်ပြီး ပြောဆိုဆက်သွယ်မှုတွေပေါ်မူတည်ပြီး ရင်းနှီးလာခဲ့တာပါ။ သူတို့က စတွဲကလည်းက ၆ နှစ်ကြာတဲ့အထိ တိတ်တဆိတ်တွဲခဲ့ကြတာပါ။ပရိသတ်တွေတောင် မသိခဲ့ကြပါဘူး။
အခု ဒီသတင်းနဲ့ပတ်သက်ပြီး ဆွန်းဟိုနဲ့ ဆယ်ဂျူတို့ဟာ ချစ်သူတွေမဟုတ်တော့ဘူးလို့ ထုတ်ပြန်ထားပါတယ်။ ဆယ်ဂျူရဲ့အေဂျင်စီက သူနဲ့ ဆွန်းဟိုတို့ဟာ ၆ နှစ်ကြာတွဲခဲ့ပြီးနောက် မကြာသေးခင်ကမှ လမ်းခွဲခဲ့ကြတယ်လို့ ရှင်းလင်းပြောဆိုခဲ့ပါတယ်။ဆွန်းဟိုရဲ့အေဂျင်စီကလည်း သူတို့နှစ်ဦးက ချစ်သူတွေဖြစ်ခဲ့ကြပါတယ်။ ဒါပေမဲ့ လမ်းခွဲလိုက်ကြပါပြီ။ လက်ရှိမှာတော့ လုပ်ဖော်ကိုင်ဖက်အနေနဲ့ ကောင်းတဲ့ဆက်ဆံရေးရှိပါတယ်လို့ ထုတ်ပြန်ခဲ့ပါတယ်။
Ref: Yoo Seung Ho And Lim Se Joo Revealed To Have Broken Up
WL (ရိုးရာလေး)
