ဆုပေးပွဲအခမ်းအနားတော်တော်များများရဲ့အနီရောင်ကော်ဇောထက်မှာဆိုရင် အလန်းစားဖက်ရှင်တွေ မြင်ဖူးတွေ့ဖူးကြပေမဲ့ အခုဖက်ရှင်ကတော့ တမူထူးခြားပါတယ်။ လူအများရဲ့အာရုံကို ဖမ်းစားနိုင်ခဲ့ပါတယ်။ အဲဒီဝတ်စုံကတော့ ဝက်ဝံရုပ်တွေနဲ့ ပြုလုပ်ထားတဲ့ ၁၀၀ ကီလိုဂရမ်လေးတဲ့ ပွဲတတ်ဝတ်စုံပါပဲ။
တရုတ်သဘင်နဲ့အနုပညာအေဂျင်စီမန်နေဂျာနဲ့စီးပွားရေးလုပ်ငန်းရှင် ယန်ထရန်ကျန့်က ဒီဝတ်စုံကို ဝတ်ဆင်ပြီး GQ’s Men of The Year ဆုပေးပွဲအခမ်းအနားကို တက်ရောက်ခဲ့တာပါ။ ဒီဝတ်စုံက လည်ပင်းကနေ ခြေဖျားအထိ ဝက်ဝံရုပ်တွေနဲ့ လွှမ်းခြုံထားပြီး အလေးချိန် ၁၀၀ ကီလိုဂရမ်လောက်ရှိပါတယ်။ ဒီဝတ်စုံက ရေ ၁ လီတာ ဘူး ၁၀၀ နဲ့ညီမျှတဲ့ အလေးချိန်ရှိတဲ့အတွက် လေးလံမယ်ထင်ပါတယ်။
ယန်ထရန်ကျန့်ကတော့ ဒီဝတ်စုံက သက်တောင့်သက်သာရှိတယ်လို့တော့ သူ့ရဲ့အင်စတာဂရမ်ပို့စ်မှာ ဖြေကြားထားပါတယ်။ ဒါပေမဲ့ အဲဒီနေ့က တစ်ညလုံးအလွယ်တကူသွားလာရအဆင်ပြေဖို့အတွက် အခြားဝတ်စုံ ၂ စုံကို လဲလှယ်ဝတ်ဆင်ခဲ့ပါသေးတယ်။
မြန်မာနိုင်ငံမှာလည်း ဝက်ဝံရုပ်တွေနဲ့ ဖန်တီးထားတဲ့ဝတ်စုံကို သရုပ်ဆောင်မင်းသမီးဖွေးဖွေးဝတ်ဆင်ခဲ့ပါသေးတယ်။
Ref: China’s Famed Artiste Manager Yang Tian Zhen Wears “100kg” Dress Made Of Teddy Bears To Awards Ceremony
WL (ရိုးရာလေး)
