တရုတ်နိုင်ငံ၊ လျောင်းနင်ပြည်နယ်မှာ တည်ရှိတဲ့ သဘာဝဘေးမဲ့တောတစ်ခုဟာ လူမှုကွန်ယက်ပေါ်မှာ တင်ခဲ့တဲ့ ဗီဒီယိုတစ်ခုကြောင့် လူစိတ်ဝင်စားမှုများလာနေပါတယ်။ အဲဒီဗီဒီယိုထဲမှာ ဇာတ်သမားတွေက လူရိုင်းတွေလိုဝတ်ဆင်ပြီး လာရောက်လည်ပတ်ကြသူတွေကို ခြောက်လှန့်နေတာပါ။
![](https://yoyarlay.com/wp-content/uploads/2024/07/23.7.2024-yyl-7.jpg)
လူရိုင်းလို တိရစ္ဆာန်အရေခွံအတုတွေဝတ်ဆင်ကာ မိတ်ကပ်လိမ်းခြယ်ထားတာကိုလည်းတွေ့ရပါတယ်။ သူတို့အားလုံးက သစ်သားလေးနဲ့မြားတွေကို ကိုင်ဆောင်ထားကာ လူရိုင်းတွေလို အော်ဟစ်ပြီးတော့ လာရောက်လည်ပတ်သူတွေကို ခြောက်လှန့်ရတာပါ။
![](https://yoyarlay.com/wp-content/uploads/2024/07/23.7.2024-yyl-8.jpg)
သဘာဝဘေးမဲ့တောက ဝန်ထမ်းတစ်ယောက်ကို Hubei Television မှာ မေးမြန်းတော့ အခုနှစ် ဧပြီလမှာ လူပေါင်း ၁၀၀ ကျော်က ဒီအလုပ်အတွက် လျှောက်ထားခဲ့တယ်လို့ ဆိုပါတယ်။ အတွေ့အကြုံရှိတဲ့ ဇာတ်သမား အယောက် ၂၀ ကို ရွေးချယ်ခဲ့ပြီး ၁ လကို ယွမ် ၅၀၀၀ စီရပြီး ၁ နေ့ကို မနက် ၁၀ နာရီကနေ နေ့ခင်း ၃ နာရီအထိ အလုပ်လုပ်ရတာဖြစ်ပါတယ်။
![](https://yoyarlay.com/wp-content/uploads/2024/07/23.7.2024-yyl-9.jpg)
ကလေးငယ်တွေနဲ့ လာရောက်လည်ပတ်တဲ့သူတွေကတော့ အခုလိုလုပ်ရပ်ကို မနှစ်သက်တာတွေ့ရပါတယ်။ တချို့တွေကတော့ စိတ်ဝင်စားဖို့ကောင်းတယ်လို့ ဆိုကြပါတယ်။ အွန်လိုင်းမှာ လာရောက်လည်ပတ်သူတွေရဲ့ အစားအစာတွေကို လုတယ်ဆိုတဲ့ ကောလဟာလထွက်ရှိပြီးနောက် သဘာဝဘေးမဲ့တောရဲ့တာဝန်ရှိသူတစ်ဦးက သူတို့ရဲ့ဇာတ်သမားတွေကို အစားအစာကျွေးထားတာဖြစ်ပြီး လာရောက်လည်ပတ်သူတွေပိုင်ဆိုင်တဲ့အစားအစာတွေကို ယူခွင့်မပြုဘူး။ ခြောက်လှန့်ရတဲ့ရည်ရွယ်ချက်က လာရောက်လည်ပတ်သူတွေရဲ့စိတ်ဖိစီးမှုကို လျော့ကျအောင် ကူညီပေးဖို့ဖြစ်တယ်လို့ တုံ့ပြန်ပြောကြားခဲ့ပါတယ်။
Ref: Chinese Actors Paid S$925 A Month To Scare & ‘Attempt’ To Steal Food From Tourists At Nature Reserve
WL (ရိုးရာလေး)