စာရေးဆရာမ ဂျေ ကေရိုးလင်းရဲ့Harry Potter ကို စွဲလမ်းရူးသွပ်ကြတဲ့ စုံတွဲတစ်တွဲကတော့ ဟယ်ရီပေါ်တာအပြင်အဆင်မင်္ဂလာပွဲကို ကျင်းပခဲ့ကြပါတယ်။ ခရိတ်နဲ့ ကက်သရင်းတို့စုံတွဲ ချစ်သူတွေဖြစ်တဲ့အချိန်မှာလည်း သူတို့ရဲ့ခန္ဓာကိုယ်မှာ ဟယ်ရီပေါ်တာနဲ့ဆက်စပ်တဲ့တက်တူးဆင်တူရှိခဲ့တယ်ဆိုတာ သိခဲ့ရပါတယ်။ ခရိတ်က ကက်သရင်းကို ဖလော်ရီဒါပြည်နယ်၊ အော်လန်ဒိုမြို့က Harry Potter World မှာရှိတဲ့ Hogwarts Castle မှာတောင် လက်ထပ်ခွင့်တောင်းခဲ့တာပါ။
![](https://yoyarlay.com/wp-content/uploads/2023/04/25.4.2023-yyl-iamge-2.jpg)
သူတို့ရဲ့မင်္ဂလာပွဲကို Harry Potter မှော်လောကအပြင်အဆင်ပါအောင် ပြုလုပ်ဖို့ စိတ်အားထက်သန်ခဲ့ကြတာပါ။ မင်္ဂလာပွဲလာရင် Hogwarts ရဲတိုက်နဲ့ လိုက်ဖက်တဲ့ အဝတ်အစားကို ဧည့်သည်တွေ ဝတ်ဆင်ရမယ်လို့ မင်္ဂလာဖိတ်စာထဲမှာ ထည့်ရေးထားခဲ့တာပါ။ မင်္ဂလာသတို့သား၊သတို့သမီးတို့ကလည်း မှော်တုတ်တံတွေ ကိုင်ပြီးတော့လည်း ကခဲ့ကြပါတယ်။
![](https://yoyarlay.com/wp-content/uploads/2023/04/25.4.2023-yyl-iamge-3.jpg)
ကက်သရင်းနဲ့ခရိတ်တို့က ရိုးရာမင်္ဂလာအခမ်းအနားကို ကျင်းပချင်ကြတဲ့သူတွေမဟုတ်တဲ့အတွက် သူများတွေနဲ့ မတူတဲ့ မင်္ဂလာပွဲကို ကျင်းပဖြစ်ခဲ့တာပါ။ ဒီမင်္ဂလာပွဲအတွက် ဒေါ်လာ ၂၅၀၀၀ ကုန်ကျခံခဲ့ရတာပါ။ သူတို့ အခုလိုဟယ်ရီပေါ်တာအပြင်အဆင်နဲ့ မင်္ဂလာပွဲကျင်းပတာကို ထောက်ခံပံ့ပိုးပေးခဲ့တဲ့သူတစ်ယောက်မှမရှိခဲ့ပါဘူး။ သူတို့ရဲ့သူငယ်ချင်းတွေနဲ့မိသားစုတွေကတော့ သူတို့လုပ်ခိုင်းတဲ့အတိုင်း လိုက်လုပ်ခဲ့ရတာပါပဲ။
![](https://yoyarlay.com/wp-content/uploads/2023/04/25.4.2023-yyl-iamge-4.jpg)
မင်္ဂလာပွဲမတိုင်ခင်ရော မင်္ဂလာပွဲပြီးတဲ့နောက်မှာရော ဧည့်သည်တွေဆီက မကောင်းတဲ့မှတ်ချက်မျိုးတွေ ရှိခဲ့တာပါ။ ဒါပေမဲ့ မင်္ဂလာပွဲပုံရိပ်တွေကို လူမှုကွန်ယက်ပေါ်မှာ တင်လိုက်တဲ့အခါမှာတော့ တချို့လူတွေဆီကနေ ကောင်းတဲ့တုံ့ပြန်ပြောဆိုချက်တွေရခဲ့ကြပါတယ်။
Ref: Couple who spent thousands of dollars on their Harry Potter-themed wedding get told to ‘grow up’
WL (ရိုးရာလေး)