ဝက်ခြံအမာရွတ်တွေကို လျော့ပါးသွားစေမယ့် အစားအစာတွေ

13-8-2020-yyl-022.jpg

ဝက်ခြံပေါက်လို့ စိတ်ညစ်နေလား။ ဝက်ခြံပေါက်ပြီးသွားရင်လည်း အမာရွတ်တွေ ကျန်နေလို့ စိတ်ပျက်နေလား။ ကျွန်မတို့ခန္ဓာကိုယ်က ဝက်ခြံကြောင့် ပျက်စီးတဲ့အသားရေကို ပြန်လည်ကောင်းမွန်လာအောင်နဲ့ Collagen ထုတ်လွှတ်လာအောင် လုပ်ဆောင်ပေဖို့ ကြိုးစားနေရတာပါ။ ကျွန်မတို့ရဲ့ခန္ဓာကိုယ်က Collagen ဓာတ်ထုတ်တာနည်းရင် ဝက်ခြံအမာရွတ်တွေပေါ်လာနိုင်ပါတယ်။ ဝက်ခြံအမာရွတ်ကို လျော့ပါးသွားစေနိုင်မယ့် နည်းလမ်းတွေကို အလှအပရေးရာကျွမ်းကျင်ပညာရှင်တွေက ရှာတွေ့ထားကြပါတယ်။ သဘာဝကျကျနဲ့ အလွယ်ကူဆုံးလုပ်လို့ရတဲ့ နည်းတစ်နည်းကတော့ ကျန်းမာရေးနဲ့ညီညွှတ်တဲ့အစားအစာတွေကို စားပေးဖို့ပါပဲ။ တချို့အစားအစာတွေက ဝက်ခြံအမာရွတ်တွေကို လျော့ပါးသွားစေနိုင်ပါတယ်။ အဲဒီအစားအစာတွေကတော့

ဖရုံသီး

ဖရုံသီးက နီယာစင် (Niacin)၊ ဖော်လစ်၊ ဗီတာမင် အေ၊ ဘီနဲ့ ဇင့်စ်ဓာတ်တွေ ကြွယ်ဝစွာပါဝင်ပါတယ်။ နီယာစင်နဲ့ဖော်လစ်က သွေးလည်ပတ်မှုကို ကောင်းစေတယ်။ ဆဲလ်တွေကို အသစ်ဖြစ်လာစေပါတယ်။ ဝက်ခြံကုသတဲ့နေရာမှာလည်း ထိရောက်မှုရှီပါတယ်။ ဖရုံစေ့က ဟော်မုန်းပမာဏနဲ့ အဆီဓာတ်ထုတ်လုပ်မှုကို ထိန်းပေးတဲ့၊ အသားရေကို ကုသပေးတဲ့ ဇင့်စ်ဓာတ်ပါဝင်ပါတယ်။ ဗီတာမင် အေက ဝက်ခြံအမာရွတ်ကို လျော့ပါးသွားအောင် ကူညီပေးနိုင်ပါတယ်။ ဒါကြောင့် ဝက်ခြံအမာရွတ်လျော့ပါးသွားစေချင်ရင် ဖရုံသီး၊ ဖရုံစေ့တို့ကို စားပေးလို့ရပါတယ်။

ကိုက်လန်

ကိုက်လန်က ဗီတာမင်စီနဲ့ ကေဓာတ်တွေ ကြွယ်ဝပြီး ကော်ပါးနဲ့ သံဓာတ်လည်း ပါဝင်ပါတယ်။ ကိုက်လန်မှာပါဝင်တဲ့ ဗီတာမင်ဓာတ်၊ သတ္တုဓာတ်၊ အန်တီအောက်စီဒန့်ဓာတ်တွေက အသားရေမှာ အမဲစက်ဖြစ်တာတွေကို လျော့ချပေးပြီး အသားရေညီအောင် ကူညီပေးနိုင်ပါတယ်။ ဗီတာမင်ကေဓာတ်က အသားရေက အမဲစက်တွေကို လျော့ချပေးပါတယ်။ သံဓာတ်က အမာရွတ်တွေကို ကုသပေးနိုင်ပါတယ်။

သံပရိုသီး

သံပရိုသီးက သဘာဝအလျောက် အသားရေကို ကုသပေးနိုင်တဲ့ဓာတ်ပါဝင်ပါတယ်။ လျော့ရိလျော့ရဲဖြစ်နေတဲ့အသားရေကို တင်းရင်းစေတဲ့အပြင် အမာရွတ်ကိုလည်း လျော့ပေးစေနိုင်ပါတယ်။ သံပရိုခွံမှာ အသားရေကို ကာကွယ်ပေးနိုင်တဲ့ flavonoids ဓာတ်ပါဝင်ပါတယ်။ သံပရိုရည်တစ်ခွက်နဲ့ သင့်နေ့ရက်ကို စတင်မယ်ဆိုရင် ကျန်းမာသန်စွမ်းတဲ့အသားရေကို ရရှိပိုင်ဆိုင်စေနိုင်ပါတယ်။

ကန်စွန်းဥ

ကန်စွန်းဥက ရက်တီနော (Retinol)၊ ဘီတာကယ်ရိုတင်း (beta-Carotene)ဓာတ်တွေ ပါဝင်ပါတယ်။ သင့်ခန္ဓာကိုယ်က ဘီတာကယ်ရိုတင်းဓာတ်ကို ဗီတာမင်အေအဖြစ် ပြောင်းလဲပါတယ်။ ဒီဗီတာမင်ဓာတ်က ဆားဝက်ခြံ၊ အသားရေနီမြန်းတာတွေကို လျော့ပါးစေနိုင်ပါတယ်။ ရက်တီနောက ဝက်ခြံ၊ အရေးအကြောင်း၊ အမဲစက်၊ အမာရွတ်တွေကို တိုက်ဖျက်ဖို့အတွက် အလှကုန်ပစ္စည်းတော်တော်များများမှာပါဝင်တဲ့ဓာတ်ပါပဲ။ ဈေးကြီးတန်ခရင်မ်ကို ဝယ်မဲ့အစား ရက်တီနောဓာတ်ပါဝင်တဲ့ကန်စွန်းဥကို စားသုံးပေးလို့ရပါတယ်။

သင်္ဘောသီး

သင်္ဘောသီးက Papain လို့ခေါ်တဲ့ အစာခြေအင်ဇိုင်းဓာတ်ကြွယ်ဝပါတယ်။ အရေပြားဆဲလ်အသေ၊ ဆားဝက်ခြံတွေကို ဖယ်ရှားပေးတဲ့နေရာမှာ အကူအညီပေးတဲ့အပြင် ဝက်ခြံအမာရွတ်ကိုလည်း မှေးမိန်သွားအောင် ကူညီပေးနိုင်ပါတယ်။ သင့်အသားရေကို ရေဓာတ်ထိန်းပေးတဲ့အပြင် ဝက်ခြံမပေါက်အောင်လည်း ကာကွယ်ပေးနိုင်ပါတယ်။

ပန်းဂေါ်ဖီပွင့်

ပန်းဂေါ်ဖီပွင့်က ဗီတာမင်စီဓာတ်နဲ့ histidineလို့ခေါ်တဲ့ အမိုင်နိုအက်ဆစ်ဓာတ်ပါဝင်ပါတယ်။ Histidine ဓာတ်က ရှိပြီးသားအမဲစက်တွေကို ပိုဆိုးရွားလာစေတဲ့ အန္တရာယ်ရှိနေရောင်ခြည်ဒဏ်ကနေ အသားရေကို ကာကွယ်ပေးပါတယ်။ ဗီတာမင်စီက အသားရေပျက်စီးမှုကို တိုက်ဖျက်ပေးပြီး ခန္ဓာကိုယ်ကို သံဓာတ်စုပ်ယူနိုင်ဖို့ ကူညီပေးပြီး ဒဏ်ရာနဲ့ အမာရွတ်တွေကို ကုသပေးပါတယ်။

Ref: Brightside “Foods That Will Reduce Acne Scars”

WL (ရိုးရာလေး)

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top