ဘောလိဝုဒ်မင်းသမီးချော အလီယာဘတ်ဟာ ဟောလိဝုဒ်ဇာတ်ကားအသစ် Heart of Stone မှာ မင်းသမီးချော ဂယ်ဂဒေါ့နဲ့အတူ ပါဝင်သရုပ်ဆောင်ထားပါတယ်။ သူ့ရဲ့ပထမဆုံးဟောလိဝုဒ်ဇာတ်ကားဖြစ်တဲ့ Heart of Stone မှာ သူနဲ့ဂယ်ဂဒေါ့တို့က ထောက်လှမ်းရေးသမားတွေအဖြစ် ပါဝင်ထားတာပါ။ အလီယာဘတ်ကတော့ သူ ပါဝင်ထားတဲ့ ဇာတ်ဝင်ခန်းတွေကို ဇူလိုင်လ ၉ ရက်နေ့က ရိုက်ကူးပြီးစီးသွားခဲ့ပါပြီ။ သူ့ရဲ့ဇာတ်ဝင်ခန်းကို ဥရောပမှာ နောက်ဆုံးရိုက်ကူးခဲ့တာပါ။
![](https://yoyarlay.com/wp-content/uploads/2022/07/13-7-2022-08.jpg)
အလီယာဟာ ဇူလိုင် ၉ ရက်နေ့က ဇာတ်ကားရိုက်ကူးပြီးသွားပြီဆိုတာကို ရိုက်ကွင်းက ပုံတွေနဲ့မျှဝေခဲ့တာပါ။ ပုံတွေနဲ့အတူ မမေ့နိုင်တဲ့အတွေ့အကြုံတွေအတွက် မင်းသမီး ဂယ်ဂဒေါ့အပါအဝင် သူ့ရဲ့တွဲဖက်သရုပ်ဆောင်တွေနဲ့ ဒါရိုက်တာကို ကျေးဇူးတင်ခဲ့တဲ့အပြင် အိန္ဒိယနိုင်ငံကို ပြန်လာနေပြီလို့လည်း ထုတ်ပြောခဲ့ပါတယ်။
![](https://yoyarlay.com/wp-content/uploads/2022/07/13-7-2022-09.jpg)
ဂယ်ဂဒေါ့ကလည်း အလီယာဘတ်ရဲ့ပို့စ်မှာ “ငါတို့ မင်းကို လွမ်းနေပြီ”လို့ ကွန်မန့်ရေးသားခဲ့တဲ့အပြင် အလီယာနဲ့အတူရိုက်ထားတဲ့ပုံကိုလည်း “ဒီနေ့ ရိုက်ကူးရေးပြီးသွားခဲ့တဲ့ ကျွန်မရဲ့ကောင်မလေး အလီယာဘတ်ကို ချစ်ပေးကြပါ။ အံ့ဩစရာကောင်းလောက်အောင် အရည်အချင်းရှိတဲ့၊ တော်တဲ့ လူတစ်ယောက်ပါ”ဆိုတဲ့စာသားနဲ့ Instagram story မှာ တင်ခဲ့ပါတယ်။ အလီယာကလည်း ဂယ်ဂဒေါ့ရဲ့story ကို “ချီးကျူးတဲ့အတွက် ကျေးဇူးတင်ပါတယ်”လို့ ပြန်ပြီး တုံ့ပြန်ခဲ့ပါတယ်။
![](https://yoyarlay.com/wp-content/uploads/2022/07/13-7-2022-10.jpg)
ကိုယ်ဝန်လွယ်ထားရတဲ့ အလီယာက ရိုက်ကူးရမယ့်နောက်ထပ်ဇာတ်ကားတွေ ရှိပါသေးတယ်။ဩဂုတ်လထဲမှာလည်း သူ့ရဲ့ရုပ်ရှင်ထုတ်လုပ်ရေးက ထုတ်လုပ်တဲ့၊ သူပါဝင်သရုပ်ဆောင်ထားတဲ့ Darlings ဇာတ်ကားထွက်ရှိဖို့ရှိပါတယ်။
Ref: Ndtv “Heart Of Stone: Gal Gadot Gives A Shout Out To Alia Bhatt. Bonus – Their Adorable Selfie”
WL (ရိုးရာလေး)