ထိုင်ဝမ်မင်းသားချော ဝူကန်ရန်အတွက် နိုဝင်ဘာ ၂၅ ရက်နေ့က ကျင်းပခဲ့တဲ့ ၆၀ ကြိမ်မြောက် ရွှေမြင်းရုပ်ရှင်ထူးချွန်ဆုပေးပွဲမှာ သူ့ရဲ့ပထမဆုံးအကောင်းဆုံးမင်းသားဆုကို ရရှိဖို့ ၁၄ နှစ်အချိန်ယူခဲ့ရတာပါ။ သူဟာ မလေးရှားရုပ်ရှင် Abang Adik နဲ့ အကောင်းဆုံးမင်းသားဆုကို ဆွတ်ခူးခဲ့တာပါ။ အသက် ၄၁ နှစ်အရွယ်ရှိပြီးဖြစ်တဲ့ ဝူကန်ဟာ အဲဒီဇာတ်ကားမှာ နားမကြားသူတစ်ဦးအဖြစ် သရုပ်ဆောင်ဖို့ ၈ ကီလိုဂရမ်ဝိတ်ချခဲ့ရတဲ့အပြင် လက်ဟန်ပြဘာသာစကားကိုလည်း သင်ယူခဲ့ရပါတယ်။
![](https://yoyarlay.com/wp-content/uploads/2023/11/28.11.23-yyl-2.jpg)
ဆုပေးပွဲပြီးတဲ့နောက်မှာ အခုလို နေရာရောက်ဖို့ ကျော်ဖြတ်ခဲ့ရတဲ့ ဝူကန်ရန်ရဲ့ အခက်အခဲတွေအကြောင်းကို သူ့သူငယ်ချင်းဖြစ်သူ ကျီဝေက ထုတ်ပြောခဲ့ပါတယ်။ လွန်ခဲ့တဲ့ ၈ နှစ်က အေဂျင်စီကနေ ထွက်ခဲ့ပြီးကတည်းက ဝူကန်မှာ မန်နေဂျာမရှိပါဘူး။ အနုပညာအလုပ်နဲ့ပတ်သက်ပြီး သူ့ဘာသူ စီမံခန့်ခွဲနေခဲ့တာပါ။
ဝူကန်ဟာ အနုပညာနယ်ပယ်ထဲမဝင်ရောက်ခင်က ဆောက်လုပ်ရေးလုပ်သားအဖြစ် အလုပ်လုပ်ခဲ့တာပါ။ အသက် ၁၅ နှစ်အရွယ်မှာ စပြီး အလုပ်လုပ်ခဲ့တာပါ။ အသက် ၁၉ နှစ်မပြည့်ခင်မှာ အလုပ်ပေါင်း ၄၀ လုပ်ပြီးသွားပါပြီ။ ဂဟေဆော်တဲ့အလုပ်ကစပြီး စားပွဲထိုးအလုပ်တွေအထိပါပဲ။
![](https://yoyarlay.com/wp-content/uploads/2023/11/28.11.23-yyl-3.jpg)
အသက် ၂၇ နှစ်ကျမှ မော်ဒယ်အဖြစ် အနုပညာလောကထဲ ဝင်ရောက်ခဲ့ပြီး အသက် ၄၁ နှစ်ရောက်တဲ့အချိန် ရွှေမြင်းဆုပေးပွဲမှာ သူ့ရဲ့ပထမဆုံးအကောင်းဆုံးမင်းသားဆုကို ဆွတ်ခူးသွားခဲ့တာပါ။
Ref: Golden Horse Best Actor Wu Kang Ren Worked More Than 40 Odd Jobs, Including Welder & Construction Worker, Before Becoming An Actor At 27
WL (ရိုးရာလေး)