ဗြိတိန်နိုင်ငံသားတစ်ဦးဟာ ကုန်း၊ ရေ နှစ်ထွေသွားနိုင်တဲ့ ကနူးလှေစက်ဘီးကို ကိုယ်တိုင် တည်ဆောက်ပြီး စကော့တလန်နိုင်ငံကို ဖြတ်သန်းကာ ခရီးနှင်ဖို့ စီစဉ်လျက်ရှိပါတယ်။ အသက် ၃၆ နှစ်အရွယ်ရှိတဲ့ ဘန်ကီလ်နာဟာ Pedal Paddle ( ခြေနင်းလှော်တက်) လို့ အမည်ပေးထားတဲ့ ကနူးလှေစက်ဘီးကို တီထွင်ပြီး မိုင် ၁၅၀ ကျော် ရှည်လျားတဲ့ ကုန်း၊ ရေ ခရီးကို ဖြတ်သန်းသွားလာမှာ ဖြစ်ပါတယ်။
![](https://yoyarlay.com/wp-content/uploads/2024/07/24.7.2024-yyl-2.jpg)
ဖွံ့ဖြိုးဆဲနိုင်ငံတွေမှာ ကလေးငယ်တွေအတွက် ခြေတု၊ လက်တုတွေ ပံ့ပိုးပေးနေတဲ့ A Leg To Stand On ပရဟိတအဖွဲ့အစည်းအတွက် ရန်ပုံငွေ ပေါင် ၂၅၀၀ ပေးအပ်နိုင်ရေးကို ရည်ရွယ်ပြီး ဘန်ကီလ်နာက ဒီခရီးကို စီစဉ်ခဲ့တာပါ။
သူကိုယ်တိုင် တည်ဆောက်ထားတဲ့ ကနူးလှေကို အသုံးပြုပြီး သိမ်းမြစ်ကို စုန်ဆင်းခဲ့ဖူးတဲ့ ဘန်ကီလ်နာဟာ အဲဒီခရီးစဉ်အပြီး ရက်အတော်ကြာအောင် လမ်းမလျှောက်နိုင်ခဲ့ပါဘူး။ ဒီနောက်မှာတော့ ဘန်ကီလ်နာက ပရဟိတအဖွဲ့အစည်းအတွက် ရန်ပုံငွေခရီးစဉ် စီစဉ်ဖို့ အကြံရခဲ့တာ ဖြစ်ပါတယ်။
စကော့တလန်ကုန်းမြင့်ဒေသ အနောက်ပိုင်းမှာရှိတဲ့ ဖို့တ်ဝီလျံမြို့ကနေ ခရီးစဉ် စတင်မှာဖြစ်ပြီး ကယ်လီဒိုးနီးယားတူးမြောင်းတစ်လျှောက် လှော်ခတ်ကာ အီဗာနက်စ်မြို့ဆီ သွားမှာပါ။ အဲဒီနောက် Great Glen Way လမ်းတစ်လျှောက် ကုန်းလမ်းခရီးနှင်မှာ ဖြစ်ပါတယ်။
Ref: Man Traveling the Width of Scotland in a ‘Bicycle Canoe’ Entirely Made by Hand
NZ ( ရိုးရာလေး)