ရုရှားနိုင်ငံသား နာရီဖန်တီးသူ ကွန်စတန်တင်ချေကင် ဖန်တီးထားတဲ့ The ThinKing နာရီဟာ ကမ္ဘာ့အပါးဆုံး လက်ပတ် စက်နာရီအဖြစ် စံချိန်တင်နိုင်ဖို့ ရှိနေပါတယ်။ ကမ္ဘာ့အပါးဆုံး လက်ပတ်နာရီ ဖန်တီးနိုင်ဖို့အတွက် နာမည်ကျော်ကုမ္ပဏီကြီးတွေအပါအဝင် နာရီဖန်တီးသူတွေ အပြိုင်အဆိုင် ကြိုးစားခဲ့ကြတာ နှစ်ကာလ အတော်ကြာခဲ့ပါပြီ။ ချေကင် ဖန်တီးတဲ့ The ThinKing နာရီကတော့ အထူ ၁.၆၅ မီလီမီတာပဲ ရှိပြီး လက်ပတ်နာရီအဖြစ် ဝတ်ဆင်ဖို့တောင် အလွန်ခက်ခဲတဲ့အထိ ပါးလျလွန်းပါတယ်။
အလွန်ပါးလွန်းတာကြောင့် နာရီကြိုးတင်းအားဒဏ်နဲ့တောင် ကျိုးပဲ့ပျက်စီးလွယ်တဲ့အတွက် အထူးဖန်တီးထားတဲ့ နာရီကြိုး တပ်ဆင်ခဲ့ရတာပါ။ တင်းအားဒဏ်၊ တွန့်လိမ်မှုဒဏ်တွေ ခံနိုင်အောင် မိကျောင်းသားရေ လက်ပတ်ကြိုးပေါ်မှာ တိုင်တေနီယမ်သတ္တု အကွပ်တွေနဲ့ တွယ်ဆက်ဖန်တီးထားရတာ ဖြစ်ပါတယ်။
အလွန်ပါးလွှာတဲ့ ခွေးသွားစိတ်တွေကို ဟန်ချက်ညီဘီးနှစ်ဆင့်စနစ်နဲ့ ဖန်တီးထားတာဖြစ်လို့ အခုလောက်အထိ ပါးလွှာတာဖြစ်ပြီး အလေးချိန် ၁၃.၃ ဂရမ်သာသာပဲ ရှိပါတယ်။ ၁.၆၅ မီလီမီတာ အထူပဲရှိတဲ့ The ThinKing နာရီဟာ ယခင်က ကမ္ဘာ့အပါးလွှာဆုံး လက်ပတ်နာရီအဖြစ် စံချိန်တင်ထားတဲ့ အမေရိကန်နာရီထကျ ဝ.၅ မီလီမီတာ ပိုပါးပါတယ်။ ThinKing နာရီကိုယ်ထည်ကတော့ သံမဏိနဲ့ ဖန်တီးထားတာ ဖြစ်ပါတယ်။
Ref: New World’s Thinnest Mechanical Wristwatch Is Just 1.65 Millimeters Thick
NZ ( ရိုးရာလေး)
