၄၊ အောက်တိုဘာလ ၂၀၂၄၊ ရန်ကုန်။ ။ ယနေ့ခေတ်၏ ဖန်တီးမှုနှင့် အလျင်အမြန်တိုးတက်နေသော ဒစ်ဂျစ်တယ် အခင်းအကျင်းတွင် ပရိတ်သတ်များနှင့် ထိတွေ့ဆက်ဆံမှုသည် မိမိ၏ ဗီဒီယိုအကြောင်းအရာ မြင်နိုင်စွမ်း နှင့် အမှတ်တံဆိပ် သို့မဟုတ် ဗီဒီယိုဖန်တီးသူ၏ တည်ရှိမှု စသည်တို့ကို သိသိသာသာ မြှင့်တင်ပေးနိုင်သည်။ TikTok တွင် Viral Content Culture သည် တီထွင်ဖန်တီးမှု၊ ခေတ်ရေစီးကြောင်းနှင့် ပရိသတ်များကြား အပြန်အလှန် တုံ့ပြန်မှု စသည်တို့အပေါ်တွင် မူတည်ပြီး ကြီးထွားလာခြင်းဖြစ်ပါသည်။ ထို့ကြောင့် မြန်မာနိုင်ငံရှိ စီးပွားရေးလုပ်ငန်းများနှင့် ဖန်တီးသူများအတွက် ၎င်းတို့၏ ပရိသတ်များနှင့် ထိထိရောက်ရောက် ချိတ်ဆက်နိုင်ရန် TikTok သည် စံပြပလက်ဖောင်းတစ်ခုဖြစ်ပါသည်။ ပရိတ်သတ်များနှင့် ထိတွေ့ဆက်ဆံရာတွင် နည်းစနစ်တကျ အာရုံစိုက်လုပ်ဆောင်ခြင်းဖြင့် ဖန်တီးသူများသည် TikTok ၏ အယ်လ်ဂိုရီသမ်ကို အသုံးချကာ မိမိတို့ရဲ့ ဗီဒီယိုအကြောင်းအရာများကို ပရိတ်သတ်များစွာထံရောက်ရှိလွှမ်းမိုးနိုင်မည်ဖြစ်သည်။ မြန်မာနိုင်ငံမှ ဖန်တီးသူများ Viral Content များကို ဖန်တီးနိုင်ရန်အတွက် အောက်ပါအချက်များကို လေ့လာအသုံးချနိုင်ပါသည်။
ခေတ်စားနေသော Challenge များနှင့် Hashtag များကို အသုံးချပါ
ခေတ်စားနေသော Challenge များသည် TikTok ၏ Viral Culture တွင် အရေးပါသော အချက်များထဲမှ တစ်ခုဖြစ်ပြီး သင့်ဗီဒီယိုကို လူများများ ကြည့်ရှုလာအောင် ကူညီပေးနိုင်ပါသည်။ ပရိတ်သတ်များနှင့် ထိတွေ့ဆက်ဆံမှုကို ထိထိရောက်ရောက် လုပ်ဆောင်နိုင်ရန်အတွက် –
သင့်လုပ်ငန်း သို့မဟုတ် ပရိသတ်နှင့် လိုက်လျောညီထွေဖြစ်စေမည့် ခေတ်စားနေသော Challenge များတွင် ပါဝင်ပါ။ ဥပမာအားဖြင့် သင်၏ အဓိက ပရိသတ်သည် လူငယ်များဖြစ်ပါက ၎င်းတို့ စိတ်ဝင်စားသည့်အရာများနှင့် ထပ်တူထပ်မျှဖြစ်သော ပျော်စရာ သို့မဟုတ် ဘဝနေထိုင်မှုပုံစံနှင့်ဆိုင်သည့် Challenge များတွင် ပါဝင်ခြင်းဖြင့် ဆွဲဆောင်နိုင်သည်။
သင့်ဗီဒီယိုကို သူများနှင့် မတူဘဲ ထင်ရှားပေါ်လွင်စေရန်အတွက် တီထွင်စမ်းသစ်သည့် အိုင်ဒီယာများ ထည့်သွင်းပါ။ အကယ်၍ သင်သည် #brat summer နှင့် very #demure very #mindful ကဲ့သို့ တစ်ကမ္ဘာလုံးမှလူများ ပါ၀င်ကြသည့် Challenge များကို ရိုက်ကူးပါက မြန်မာနိုင်ငံမှ မိမိ၏ ပရိသတ်များ နားလည်ပြီး ပြန်လည်မျှဝေရန် သို့မဟုတ် ပြန်လည်ဖန်တီးရန် မြန်မာ့အငွေ့အသက်များကို ထည့်သွင်းဖန်တီးပါ။
သင့်ဗီဒီယိုများကို လွယ်လွယ်ကူကူရှာဖွေနိုင်ရန် #foryoupage နှင့် #tiktokmyanmar ကဲ့သို့သော လူသုံးများပြီး ခေတ်စားနေသော Hashtag များကို အသုံးပြုပါ။ သို့သော် မိမိအသုံးပြုသည့် Hashtag များသည် လူသုံးများရုံ မဟုတ်ဘဲ မိမိနှင့်ရော ပရိတ်သတ်များနှင့်ပါ ကိုက်ညီကြောင်း သေချာပါစေ။
သင့်ဗီဒီယိုများကို အခြားသူများနှင့် ကွဲပြားစေရန်အတွက် ကိုယ်ပိုင် Hashtag များကို တီထွင်အသုံးပြုပါ။ ကိုယ်ပိုင် Hashtag များ အသုံးပြုခြင်းဖြင့် မိမိဗီဒီယိုကို ပရိတ်သတ်များ အလွယ်တကူ ရှာဖွေနိုင်မည်ဖြစ်သည်။
သင့်လျော်သော Hashtag ကို ရွေးချယ်အသုံးပြုပြီး မိမိဗီဒီယိုများကို လူသိများအောင် မည်သို့လုပ်ဆောင်နိုင်သည်ကို စူးစမ်းလေ့လာနိုင်ရန်အတွက် TikTok တွင် အသုံးများသည့် ထိပ်တန်း Hashtag တချို့ကို ဖော်ပြပေးလိုက်ပါသည်။
၁။ #LearnOnTikTok
၂။ #TravelTikTok
၃။ #BookTok
၄။ #Edutok
ပရိတ်သတ်များပြန်လည်မျှဝေနိုင်သော အကြောင်းအရာ အိုင်ဒီယာများကို ဖန်တီးပါ
ရေပန်းစားသော TikTok ဗီဒီယိုများကို လေ့လာကြည့်ပါက လူအများ၏ ၀မ်းသာ၊ ၀မ်းနည်း စသည့် စိတ်ခံစားချက်များကို လှုံဆော်ပေးပြီး တခြားသူများအတွက် ပြန်လည်မျှဝေပေးနိုင်သည့် အကြောင်းအရာများ ဖြစ်နေလေ့ရှိသည်။ ထိုသို့သော ဗီဒီယိုများကို ဖန်တီးနိုင်ရန်အတွက် –
သင့်ပရိသတ် ခံစားချက်နှင့် ထပ်တူကျစေသော အချိန်တိုတိုနဲ့ ဖျော်ဖြေမှုရသပေးနိုင်သည့် သို့မဟုတ် ဗဟုသုတမျှဝေပေးနိုင်သည့် ဗီဒီယိုများကို ဖန်တီးပါ။ ဟာသ၊ လွမ်းဆွတ်စရာ သို့မဟုတ် ခွန်အားဖြစ်စေသည့်အကြောင်းအရာ စသဖြင့် ကြည့်ရှုသူများက တခြားသူများကို ပြန်လည်မျှဝေချင်စိတ်ပေါ်စေမည့် အကြောင်းအရာများကို ရည်ရွယ်ဖန်တီးပါ။
သင့်ဗီဒီယိုများကို ပိုမိုများပြားသော ကြည့်ရှုသူများထံရောက်ရှိအောင် အခြားဗီဒီယို ဖန်တီးသူများနှင့် လက်တွဲလုပ်ဆောင်ပါ။ သင်သည် စီးပွားရေးလုပ်ငန်းတစ်ခု သို့မဟုတ် ဗီဒီယို ဖန်တီးသူတစ်ယောက်ဖြစ်ပါစေ သင့်ဗီဒီယိုကို မြန်မာနိုင်ငံရှိ ပိုမိုကျယ်ပြန့်သော ပရိသတ်ထံ မိတ်ဆက်ပေးနိုင်သည့် ဗီဒီယိုဖန်တီးသူ သို့မဟုတ် အနုပညာရှင်များ ဆယ်လီများနှင့် လိုအပ်သလို လက်တွဲလုပ်ဆောင်သင့်ပါသည်။ ဤသို့ပူးပေါင်းလုပ်ဆောင်ခြင်းဖြင့် သင့်လုပ်ငန်းနှင့် သင့်ပုံရိပ်အပေါ် ပိုမို ယုံကြည်မှုတိုးပွားစေပြီး Follower များလည်း တိုးလာမည် ဖြစ်ပါသည်။
TikTok ၏ Viral Culture သည် အချိန်နှင့်အမျှ အဆက်မပြတ် ပြောင်းလဲနေသောကြောင့် လိုက်လျောညီထွေဖြစ်အောင် ဗီဒီယိုများဖန်တီးပြီး Trend အသစ်များကို စမ်းသပ်ကြည့်ရန် မမေ့ပါနှင့်။ ဤနည်းလမ်းများကို လိုက်နာခြင်းဖြင့် မြန်မာနိုင်ငံရှိ တက်ကြွသော TikTok အသိုက်အဝန်းတွင် ရေပန်းစားအောင်မြင်မှုများ ရရှိနိုင်ပြီး အခြားနိုင်ငံများတွင်ပါ ထိုးဖောက်အောင်မြင်နိုင်မည့် အလားအလာရှိနိုင်ပါသည်။
Team (ရိုးရာလေး)
