Facebook တည်ထောင်သူ မတ်ဇူကာဘတ်ဟာ ၂၀၁၅ ခုနှစ်ကို A Year of Book လို့ အမည်ပေးခဲ့ပြီး စာအုပ်ပေါင်းမြောက်များစွာကို ဖတ်ခဲ့ ပါတယ်။
၂၀၁၆ ခုနှစ်ကိုတော့ A Year of Running လို့ အမည်ပေးခဲ့ပြီး သူပြေးခဲ့တဲ့ မိုင်ဟာဆိုရင် ၃၆၅ မိုင် ရှိပါတယ်။
ယင်း မိုင်ပေါင်း ၃၆၅ ကျော်ဟာ တစ်နှစ်ပတ်လုံး ပြေးခဲ့တဲ့ မိုင် ဖြစ်ပါတယ်။ ဒါကြောင့် ပျမ်းမျှဆိုရင် တစ်ရက်ကို ၁ မိုင်နှုန်း ပြေးခြင်း ဖြစ်ပါတယ်။ သူ့အနေနဲ့ အချို့ရက်တွေဟာ တစ်မ်ိုင်ထက် နည်းတာမျိုးလည်း ရှိကြောင်း ရေးသား ဖော်ပြထားပါတယ်။ ၁၀ မိနစ်ထက် မပိုတဲ့ ပြေးရတဲ့ နေ့များလည်း ရှိကြောင်း ဆိုပါတယ်။ ဒါပေမယ့် တစ်နှစ်ပြန်ချုပ်လိုက်တဲ့အခါ တစ်ရက်ကို ၁ မိုင်နှုန်း ပျမ်းမျှပြန်ထွက် ပါတယ်။ အလုပ်ကိစ္စနဲ့ ခရီးသွားရလည်း ရောက်ရာနိုင်ငံမှာ ပြေးပါတယ်။ သူ့အနေနဲ့ ပြေးခြင်းဟာ ဦးနှောက်ကိုဆေးကြောခြင်း ဖြစ်ကြောင်း၊ ပိုလို့လည်း သန်မာလာစေကြောင်း ဆိုပါတယ်။
လာမယ့် ၂၀၁၇ ခုနှစ်ဟာ သူ့အတွက် Triathlon နှစ်ဖြစ်မယ်လို့ဆိုထားပါတယ်။ Triathlon ကို Ironman sport လို့လည်းခေါ်ပြီး ရေကူး ၊ စက်ဘီးမောင်း ၊ အပြေး အားကစားသုံးမျိုး ပေါင်းစပ် ပါဝင်တဲ့ အားကစား ဖြစ်ပါတယ်။ ယင်း အားကစားလုပ်ဖို့အတွက် သူဟာ စတင် လေ့ကျင့်တော့မှာ ဖြစ်ပြီး ၂၀၁၇ မှာ Ironman အားကစား ပြိုင်ပွဲ များကို ဝင်ရောက် ယှဉ်ပြိုင်သွားမှာ ဖြစ်ကြောင်း သူ့ရဲ့ စာမျက်နှာမှာ ရေးသား ဖော်ပြခဲ့ ပါတယ်။.
Ref: mashable; “Mark Zuckerberg had two personal challenges for 2016. What happened to running?”
ဇီးကွက် (ရိုးရာလေး)
