တီနာ ဟူချာဆန်ဆိုသူအမျိုးသမီးကြီးက ကျောင်းကားမောင်းသူဖြစ်ပြီး သူ့ကားကို စီးတဲ့ ကျောင်းသား/သူတွေကို ဆောင်းရာသီကာလတွေမှာ နွေးထွေးမှုရဖို့အတွက် သိုးမွေးဦးထုပ်တွေ ပေးခဲ့ပါတယ်။
သူဟာ အခုလအစောပိုင်းမှာ ချည်ထိုးစက်အသစ်ရပြီးနောက် ကလေးတွေကို အအေးဒဏ်ခံနိုင်စေဖို့အတွက် ဦးထုပ်တွေလုပ်ပေးဖို့ ဆုံးဖြတ်ဖြစ်ခဲ့တာပါ။ သူက စက်နဲ့ထိုးတာဖြစ်တဲ့အတွက် သိုးမွေးဦးထုပ်တစ်လုံးထိုးဖို့အတွက် မိနစ် ၃၀-၄၅ မိနစ်လောက် အချိန်ယူရပါတယ်။
အသက် ၆၃ နှစ်ရှိပြီဖြစ်တဲ့ တီနာဟာ အသက် ၁၂ နှစ်ကတည်းက သူ့ဘဝအချိန်တော်တော်များများကို ချည်ထိုးရင်း အချိန်ကုန်ဆုံးခဲ့တာပါ။ မကြာသေးခင်ကမှ သူ့ရဲ့မွေးနေ့အတွက် သမီးဖြစ်သူက ချည်ထိုးစက်အသစ်တစ်လုံးလက်ဆောင်ပေးခဲ့တာပါ။ အခုအချိန်အထိ မူလတန်းကျောင်းသား/သူတွေအတွက် ဦးထုပ် ၂၅ လုံးထိုးပေးပြီးသွားပါပြီ။ သူ့ရဲ့လက်ဆောင်အတွက် ကလေးတွေက အရမ်းပျော်ကြပြီး ကျေးဇူးတင်စကားဆိုထားတဲ့ ကဒ်လေးတွေကိုတောင် သူ့ကို ပေးခဲ့ကြတယ်လို့ ဆိုပါတယ်။
တီနာက ကျေးဇူးတော်နေ့ရက်သတ္တပတ်ကျရင် မူလတန်းကျောင်းသူ/သားတွေအတွက်လည်း ဦးထုပ်ထိုးပေးဖို့ စီစဉ်ထားပါတယ်။ သူက ကလေးတွေကို သူတို့ကြိုက်တဲ့အရောင်တွေ ရွေးချယ်ခွင့်ပေးထားပါတယ်။
တီနာက ၂၀၂၃ ခုနှစ်ကစပြီး Putnam City Schools အတွက် ကျောင်းသူ/သားတွေကို လိုက်လံပို့ဆောင်ပေးခဲ့တာပါ။ သူက သူ့အလုပ်ကို ချစ်မြတ်နိုးပြီး အခုဆို သူ မောင်းပို့ပေးရတဲ့ ကျောင်းသူ/သား ၁၀၀ ကျော် (မူလတန်းကနေအထက်တန်းအထိ) ရှိနေပါပြီ။
Ref: School bus driver knits hats for students to stay warm during winter months
WL (ရိုးရာလေး)
