ပြီးခဲ့တဲ့နှစ် ဇူလိုင်လက အမေရိကန်နိုင်ငံမှာ ၂၁ ပတ်နဲ့ မွေးဖွားလာခဲ့တဲ့ ကလေးငယ်လေးက အခုဆို Most Premature Baby လမစေ့ဆုံးကလေးလေးအဖြစ် တရားဝင်ကမ္ဘာ့ဂင်းနစ်စံချိန်ချိုးလိုက်ပါပြီ။ နာ့ချ် ကင်းဆိုတဲ့ အဲ့ဒီကလေးလေးက အိုင်အိုဝါမှာ ၂၀၂၄ ခုနှစ် ဇူလိုင် ၅ ရက်နေ့မှာ မွေးဖွားခဲ့တာပါ။ မွေးဖွားချိန်မှာ ကိုယ်အလေးချိန် ၁၀ အောင်စပဲရှိပါတယ်။ အခုလအစောပိုင်း သူ့ရဲ့မွေးနေ့ပြီးတဲ့နောက်မှာ နာ့ချ်က Most Premature Baby အဖြစ် ကမ္ဘာ့ဂင်းနစ်မှတ်တမ်းကို တရားဝင်လက်ခံရရှိခဲ့တာပါ။
နာ့ချ်က University of lowa Health Care Stead Family Children’s Hospital ရဲ့ မွေးကင်းစကလေးအထူးကြပ်မတ်ကုသဆောင်မှာ ၆ လနေခဲ့ရပါတယ်။ အခုနှစ် ဇန်နဝါရီလကမှ သူ့မိဘတွေနဲ့အတူ အိမ်ပြန်ခွင့်ရခဲ့တာပါ။
“ရိုးရိုးသားသားပြောရရင် ဒါဟာ ဆန်းကြယ်တယ်လို့ ခံစားရတယ်။ လွန်ခဲ့တဲ့ ၁ နှစ်တုန်းကတော့ အနာဂတ်မှာ ဘယ်လိုဖြစ်လာမလဲဆိုတာ မသေချာခဲ့ဘူး။ အခုဆို သားလေးရဲ့ပထမဆုံးမွေးနေ့ကို ဆင်နွှဲခဲ့ရပြီ။ စိတ်ခံစားချက်အမျိုးမျိုးပါပဲ။ ဂုဏ်ယူတာ၊ ကျေးဇူးတင်တာတွေနဲ့။ ဂင်းနစ်စ်စံချိန်မှတ်တမ်းက အောင်ပွဲတစ်ခုလိုပါပဲ။ သားလေးက ဒီအထိရောက်လာခဲ့ပြီ။ ဒီမှတ်တိုင်က အချို့အကွေ့တစ်ခုသာမက ဒီအထိရောက်ဖို့ သားလေး ကျော်လွှားခဲ့ရတဲ့ ခံနိုင်ရည်ရှိမှု၊ မျှော်လင့်ချက်နဲ့ အရာအားလုံးလည်းဖြစ်ပါတယ်”လို့ နာ့ချ်ရဲ့မိခင် မော်လီက ဆိုထားပါတယ်။
Ref: US Boy Born At Just 21 Weeks Sets Guinness World Record For “Most Premature Baby”
WL (ရိုးရာလေး)
