ဘောလိဝုဒ်နာမည်ကျော်မင်းသား ဗီဂျေးဒီဗာရာကွန်ဒါ နဲ့ မင်းသမီး ရရှ်မီကား မန်းဒန်နာတို့ရဲ့မင်္ဂလာပွဲဟာ သတင်းခေါင်းကြီးပိုင်းမှာ ဆက်လက်စိုးမိုးထားဆဲပါပဲ။ ဖေဖော်ဝါရီ ၂၆ ရက်နေ့က ကျင်းပခဲ့တဲ့ မင်္ဂလာပွဲပြီးနောက် သူတို့ရဲ့မင်္ဂလာအလှူအဖြစ် ပညာသင်ထောက်ပံ့ဆုပေးမယ်ဆိုတဲ့အကြောင်း ကြေညာခဲ့ပါတယ်။
Deverakonda Charitable Trust ကတဆင့် တယ်လန်ဂါနာက အစိုးရကျောင်း ၄၄ ကျောင်းရှိ ၉ တန်းနဲ့ ၁၀ တန်းကျောင်းသား/သူတွေအတွက် ပညာသင်ထောက်ပံ့ဆုပေးမယ်ဆိုတဲ့အကြောင်း ဗီဂျေးက မတ်လ ၄ ရက်နေ့ကျ ဟိုက်ဒရာဘတ်မှာ ကျင်းပမယ့် ပွဲမတိုင်ခင် ပြောကြားခဲ့တာပါ။
မတ်လ ၂ ရက်နေ့က ဗီဂျေးတို့ကြင်စဦးမောင်နှံဟာ ဗီဂျေးရဲ့ မွေးရပ်မြေ Thummanpeta ရွာရှိ သူတို့ရဲ့အိမ်သစ်မှာ အိမ်ဝင်ပွဲနဲ့ ဘာသာရေးထုံးတမ်းအစဉ်အလာဝတ်ပြုမှုကို ပြုလုပ်ခဲ့ကြပါတယ်။ အဲ့ဒီနေ့မှာပဲ ပညာသင်ထောက်ပံ့ဆုပေးမယ့်အကြောင်းကို ကြေညာခဲ့တာပါ။ ကြေညာတဲ့အချိန် စင်ပေါ်မှာ ဗီဂျေးနဲ့အတူ သူ့မိဘတွေနဲ့ အစ်ကိုဖြစ်သူတို့လည်း ရှိနေခဲ့ပါတယ်။ ကြေညာပြီးတဲ့နောက် Thummanpeta ရွာက ကျယ်လောင်တဲ့ လက်ခုပ်ဩဘသံတွေနဲ့ ချီးမြှင့်ခဲ့ပါတယ်။
Ref: Vijay Deverakonda Announces Scholarships For Students In 44 Government Schools In Telangana After Wedding With Rashmika Mandanna
WL (ရိုးရာလေး)
