ဂျပန်နိုင်ငံရဲ့ အကျော်ကြားဆုံး YouTuber ဟာဂျီမဲက ဈေးကွက်ထဲမှာ ဝယ်ယူရရှိနိုင်တဲ့ ကမ္ဘာ့အမည်းနက်ဆုံး သုတ်ဆေးကို သူ့ခန္ဓာကိုယ်မှာ သုတ်လိမ်းပြီး ကမ္ဘာ့အမည်းနက်ဆုံးလူသားအဖြစ် အသွင်ပြောင်းခဲ့ပါတယ်။
![](https://yoyarlay.com/wp-content/uploads/2022/10/6-10-2022-yyl07.jpg)
ကမ္ဘာ့အမည်းနက်ဆုံးသုတ်ဆေးက Vantablack ဖြစ်ပြီး အလင်း ၉၉.၉၆၅ ရာခိုင်နှုန်းအထိ စုပ်ယူနိုင်ပါတယ်။ ဒါပေမဲ့ ဈေးကြီးလွန်းပြီး ဈေးကွက်ထဲမှာလည်း ဝယ်ယူလို့ မရပါဘူး။ ဈေးကွက်ထဲမှာ ဝယ်ယူရရှိနိုင်တဲ့ အမည်းနက်ဆုံးသုတ်ဆေးကတော့ Koyo Orient Japan ကုမ္ပဏီက ထုတ်လုပ်တဲ့ Musou Black သုတ်ဆေးပါ။ အလင်းရောင် ၉၉.၄ ရာခိုင်နှုန်းအထိ စုပ်ယူနိုင်စွမ်း ရှိပါတယ်။
![](https://yoyarlay.com/wp-content/uploads/2022/10/6-10-2022-yyl08.jpg)
ခပ်ဆန်းဆန်း အိုင်ဒီယာတွေနဲ့ ဗီဒီယိုတွေ ဖန်တီးသူ ဟာဂျီမဲဟာ ကမ္ဘာ့အမှောင်ဆုံးအခန်း ဖန်တီးဖို့ Black Musou သုတ်ဆေးကို အသုံးပြုခဲ့တာဖြစ်ပြီး အဲဒီနောက်မှာ သူ့ခန္ဓာကိုယ်ကိုပါ သုတ်လိမ်းခဲ့တာပါ။ ဟာဂျီမဲက အရိပ်တစ်ခုလို မှောင်မိုက်နေတာ မြင်ရမှာပါ။
![](https://yoyarlay.com/wp-content/uploads/2022/10/6-10-2022-yyl09.jpg)
Ref: YouTuber Becomes World’s Blackest Man With the Blackest Commercially-Available Paint
NZ (ရိုးရာလေး)