တပါးသူအပေါ် ကြင်နာစိတ် ထားရှိပါက စိတ်ကျရောဂါနဲ့ စိုးရိမ်ပူပန်မှု လျော့ကျစေနိုင်

တပါးသူအပေါ် အကြင်နာထားသူတွေဟာ စိတ်ကျရောဂါနဲ့ စိုးရိမ်ပူပန်မှု လျော့ကျစေတယ်လို့ သုတေသနတစ်ရပ်မှာ တွေ့ရှိခဲ့ပါတယ်။ အိုဟိုင်းယိုးတက္ကသိုလ်မှ သုတေသီတွေဟာ လူ ၁၂၂ ယောက်ကို အဖွဲ့ ၃ ဖွဲ့ခွဲပြီး ဆန်းစစ်မှုလုပ်ခဲ့တာပါ။

အဖွဲ့ ၃ ဖွဲ့အနက် ၂ ဖွဲ့ကတော့ စိတ်ကျရောဂါ ခံစားရသူတွေအတွက် ပုံမှန်ကုထုံးဖြစ်တဲ့ အပျက်သဘောဆောင်တဲ့ အတွေးတွေကို ခွဲခြားဖော်ထုတ်ပြီး ဆန့်ကျင်ဘက် ပြန်တွေးခိုင်းတဲ့ ပုံစံမျိုး လုပ်ခိုင်းခဲ့ပါတယ်။ နောက်တစ်ဖွဲ့ကိုတော့ တစ်ပတ်မှာ ၂ ရက်၊ ၁ ရက်မှာ ၃ ကြိမ်နှုန်းနဲ့ တပါးသူတွေအပေါ် အကြင်နာထားတဲ့ လုပ်ရပ်တွေ လုပ်ခိုင်းခဲ့တာပါ။

သီတင်းပတ် ၁၀ ပတ်ကြာပြီးနောက်မှာတော့ အဖွဲ့ ၃ ဖွဲ့လုံး ကိုယ့်ဘဝအပေါ် ကျေနပ်အားရစိတ်တွေ မြင့်တက်လာပြီး စိတ်ကျမှုနဲ့ စိုးရိမ်ပူပန်မှုတွေ လျော့ကျသွားတာ တွေ့ခဲ့ရပါတယ်။ ဒီတွေ့ရှိချက်ကို Positive Psychology စာစောင်မှာ ရေးသားဖော်ပြခဲ့တာပါ။

Ref:New Study Suggests Acts Of Kindness May Be The Best Medicine For Depression And Anxiety

NZ (ရိုးရာလေး)