ပြီးခဲ့တဲ့ ၂ ရက်အတွင်း ကိုရိုနာဗိုင်းရပ်စ်သစ် ကူးစက်ခံရသူ ၁၃၉ ယောက် ထပ်တိုးလာတယ်လို့ တရုတ်အာဏာပိုင်တွေက ပြောပါတယ်။ ကိုရိုနာဗိုင်းရပ်စ်သစ် ကူးစက်ခံရသူတွေဟာ ဝူဟန်၊ ဘေဂျင်း၊ ရှန်ကျန်းမြို့တွေမှာ နေထိုင်သူတွေဖြစ်တယ်လို့ ခွဲခြားဖော်ပြပါတယ်။ ပြီးခဲ့တဲ့ဒီဇင်ဘာလစပြီး တရုတ်နိုင်ငံ အလယ်ပိုင်း ဝူဟန်မြို့မှာ စတင်ကူးစက်ပျံ့နှံ့ခဲ့တဲ့ ကိုရိုနာဗိုင်းရပ်စ်သစ်ဟာ ကူးစက်ခံရသူ ၂၀၀ ကျော် ရှိလာခဲ့ပြီး လူ ၃ ယောက် သေဆုံးခဲ့ပါတယ်။ ရှာဖွေစမ်းသပ်မှုတွေ တိုးမြှင့်လုပ်ဆောင်ခဲ့လို့ ဗိုင်းရပ်စ်ကူးစက်ခံရသူ အရေအတွက် မြင့်တက်လာခဲ့တာလို့ ကမ္ဘာ့ကျန်းမာရေးအဖွဲ့ချုပ်(WHO)က ပြောပါတယ်။ ထိုင်းနိုင်ငံမှာ ကိုရိုနာဗိုင်းရပ်စ်သစ် ကူးစက်ခံရသူ ၂ ယောက် တွေ့ထားပြီး ဂျပန်နိုင်ငံမှာ တစ်ယောက် တွေ့ရှိထားပါတယ်။
ဝူဟန်မြို့မှာရှိတဲ့ ရောဂါကူးစက်ခံရသူ ၁၇၀ ဟာ ဆေးရုံမှာ ကုသမှုခံယူနေဆဲဖြစ်ပြီး လူ ၉ ယောက်ကတော့ စိုးရိမ်ရတဲ့ အခြေအနေရှိတယ်လို့ ပြီးခဲ့တဲ့တနင်္ဂနွေနေ့နှောင်းပိုင်းမှာ အရာရှိတွေက ပြောပါတယ်။ ဝူဟန်မြို့ကို သွားရောက်ခဲ့သူ ၂ ယောက်ဟာ ကိုရိုနာဗိုင်းရပ်စ်သစ်နဲ့ ဆက်နွှယ်တဲ့ အဆုတ်ရောင်ရောဂါလက္ခဏာတွေကြောင့် ကုသမှု ခံယူနေရတယ်လို့ ဘေဂျင်းမြို့ ဒါရှင်းခရိုင်မှာရှိတဲ့ ကျန်းမာရေးအရာရှိတွေက ပြောပါတယ်။ ဝူဟန်မြို့က ဆွေမျိုးတွေထံသွားရောက်လည်ပတ်ခဲ့တဲ့ အသက် ၆၆ နှစ်အရွယ် အမျိုးသားတစ်ယောက်မှာ ကိုရိုနာဗိုင်းရပ်စ်သစ်ရဲ့ လက္ခဏာတွေ တွေ့ရတယ်လို့ ရှန်ကျန်းမြို့ အရာရှိတွေက ပြောပါတယ်။
Nz (ရိုးရာလေး)
