သင်မသိသေးတဲ့ ဘီယာရဲ့ ကျန်းမာရေး ကောင်းကျိုး (၁၀) ချက်

ဘီယာသောက်သုံးခြင်းကို အပြစ်မကင်းတဲ့ပျော်မွေ့မှုတစ်ခုအဖြစ် လူအများယူဆကြပါတယ်။ ဘီယာဟာ ကျန်းမာရေးနဲ့ မညီညွတ်ဘူးလို့ ထင်မှတ်ထားကြပေမယ့် သင့်တင့်တဲ့ပမာဏကို ချင့်ချိန်သောက်သုံးမယ်ဆိုရင် ကျန်းမာရေး ကောင်းကျိုးတွေ ရရှိနိုင်တယ်လို့ သိပ္ပံနည်းကျ တွေ့ရှိချက်တွေက ဖော်ပြနေပါတယ်။ဒါဆိုရင် ‘သင့်တင့်တဲ့ပမာဏ’ ဆိုတာ ဘာကိုဆိုလိုပါသလဲ။ သင့်တင့်တဲ့ပမာဏဆိုတာကတော့ တစ်ပတ်မှာ ပုံမှန် ယမကာ (၁၄) ခွက်ထက် ကျော်လွန်သောက်သုံးခြင်းမပြုတာကို ဆိုလိုပါတယ်။ အဓိပ္ပါယ်ကတော့ တစ်ရက်ကို ဘီယာအေးအေး တစ်ခွက်နှစ်ခွက်လောက် သောက်သုံးတာဟာ ပြဿနာမရှိတဲ့အပြင် ကျန်းမာရေးကောင်းကျိုးတွေပါ ရရှိနိုင်တယ်ဆိုတဲ့ အဓိပ္ပါယ်ပါ။ ဘီယာသောက်သုံးခြင်းနဲ့ပတ်သက်တဲ့ သင့်အမြင်ကို ပြောင်းလဲသွားစေမယ့် အံ့ဖွယ်ကျန်းမာရေးကောင်းကျိုး (၁၀) ချက်ကို ဖော်ပြပေးလိုက်ပါတယ်။

(၁) ဘီယာဟာ နှလုံးရောဂါဖြစ်နိုင်ချေကို လျှော့ချပေးပါတယ်

ဘီယာအသင့်အတင့်သောက်သုံးသူတွေဟာ မသောက်သူတွေထက် နှလုံးရုတ်တရက်ထိခိုက်မှု၊ လေဖြတ်ခြင်း၊ နှလုံးရောဂါ စတာတွေဖြစ်ပွားနိုင်ချေ လျော့နည်းပါတယ်။ အရွယ်ရောက်ပြီး UK နိုင်ငံသား (၁.၉၃) သန်းကို University of Cambridge နဲ့ University College London တို့က လေ့လာချက်အရ သင့်တင့်စွာသောက်သုံးသူတွေဟာ လုံးဝမသောက်သုံးသူ၊ အလွန်အကျွံ သောက်သုံးသူတွေထက် နှလုံးသွေးကြောရောဂါဖြစ်ပွားနိုင်တဲ့ အန္တရာယ် လျော့နည်းတယ်လို့ သိရပါတယ်။

(၂) ဘီယာဟာ ဆီးချိုရောဂါအမျိုးအစား (၂) ရဲ့ အန္တရာယ်ကို လျှော့ချပေးပါတယ်။

ဒါကလည်း ဘီယာအသင့်အတင့်သောက်သုံးခြင်းရဲ့ ထူးခြားတဲ့ ကျန်းမာရေးကောင်းကျိုးတစ်ခုပါ။ ဒိန်းမတ်လူမျိုးများကို လေ့လာချက်​တစ်ခုအရ ယမကာလုံးဝမသောက်သုံးတာနဲ့ယှဉ်ရင် တစ်ပတ်ကို ယမကာ (၁၄) ခွက် သောက်သုံးသူ အမျိုးသား တွေနဲ့၊ တစ်ပတ်ကို (၉) ခွက်သောက်သောက်သုံးသူအမျိုးသမီးတွေမှာ ဆီးချိုရောဂါ ဖြစ်ပွားနိုင်ချေ အနည်းဆုံးဖြစ်တယ်လို့ သိရပါတယ်။ အခြားလေ့လာချက်တစ်ခုမှာလည်း တစ်ရက်ကို ယမကာ (၂၄) ဂရမ်သောက်သုံးသူတွေမှာ ဆီးချိုရောဂါ အမျိုးအစား (၂) ဖြစ်ပွားနိုင်ချေ (၃၀) ရာခိုင်နှုန်းအထိ လျော့နည်းသွားနိုင်တယ်လို့ တွေ့ရှိထားပါတယ်။

(၃) ဘီယာသောက်သုံးခြင်းဟာ ကင်ဆာရောဂါအချို့ကို ကာကွယ်နိုင်ပါတယ်

ဗျစ်စေ့ပင်မှာပါဝင်တဲ့ Xanthohumol လို့ခေါ်တဲ့ ဓါတ်တိုးမှုဆန့်ကျင်ပစ္စည်း (Antioxidant) ဟာ ကင်ဆာရောဂါ ကာကွယ်ရာမှာ အဓိကအနေနဲ့ ပါဝင်နေပါတယ်။ ဩစတြီးယား သုတေသနအဖွဲ့တစ်ခုရဲ့ လေ့လာချက်အရ Xanthohumol ဟာ ပုံမှန်မဟုတ်တဲ့ ဆဲလ်ကြီးထွားမှုကို ရပ်တန့်ပေးပြီး DNA ထိခိုက်ပျက်စီးမှုကို ကာကွယ်ပေးနိုင်တယ်လို့ သိရပါတယ်။ ဘီယာဟာ ကင်ဆာရောဂါ ကာကွယ်ခြင်းနဲ့ ကုသခြင်းတွေမှာ အထောက်အကူပြုတဲ့ Polyphenol တွေ များစွာပါဝင်တဲ့ အရင်းအမြစ်ကောင်းတစ်ခုလည်း ဖြစ်ပါတယ်။

(၄) ဘီယာဟာ အရိုးသန်မာစေပါတယ်

အထူးသဖြင့် ဗျစ်စေ့သီးနဲ့ မုယောစပါး ပါဝင်မှုမြင့်မားတဲ့ဘီယာဟာ အရိုးကျန်းမာရေးကို အဓိကထိန်းသိမ်းပေးတဲ့ ဆီလီကွန် အများအပြားပါဝင်တဲ့ အရင်းအမြစ်ကောင်းတစ်ခု ဖြစ်ပါတယ်။ အသက်အရွယ်ကြီးရင့်တဲ့အမျိုးသားတွေနဲ့ သွေးဆုံးပြီး အမျိုးသမီးတွေဟာ တစ်ရက်ကို ဘီယာတစ်ခွက်နှစ်ခွက်ခန့် သောက်သုံးပေးမယ်ဆိုရင် လုံးဝမသောက်သုံးသူ တွေထက် အရိုးသိပ်သည်းဆပိုမိုမြင့်မားတယ်လို့ လေ့လာချက်တစ်ခုက ဖော်ပြထားပါတယ်။ဒါကြောင့် အရိုးသန်မာဖို့ ဗျစ်စေ့သီးနဲ့ မုယောစပါး ပါဝင်မှုမြင့်တဲ့ ဘီယာကိုရှာဖွေမယ်ဆိုရင် Carlsberg ကို သောက်သုံး ကြည့်သင့်ပါတယ်။

(၅) ဘီယာဟာ ကျောက်ကပ်ကျောက်တည်ခြင်းကို ကာကွယ်ပေးနိုင်ပါတယ်

လေ့လာချက်တစ်ခုအရ အချိုဓါတ်နဲ့ ဆိုဒါဟာ ကျောက်ကပ်ကျောက်တည်နိုင်မယ့် အန္တရာယ်ကို ပိုမိုမြင့်မားစေပေမယ့် ဘီယာသောက်သုံးခြင်းကတော့ ဒီအန္တရာယ်ကို (၄၁) ရာခိုင်နှုန်းအထိ လျှော့ချပေးနိုင်တယ်လို့ သိရပါတယ်။ ဘီယာမှာ ရေပါဝင်မှုမြင့်မားတာကြောင့် (၉၃% ခန့်ပါဝင်) ယမကာသောက်သုံးခြင်းရဲ့ ဇီဝဖြစ်စဉ်အကြွင်းအကျန်တွေကို စွန့်ထုတ်ဖို့ ကျောက်ကပ်ကို ပိုမိုအလုပ်လုပ်စေပြီး ဆီးမကြာခဏသွားစေတဲ့အတွက် ကိုယ်ခန္ဓာကို သန့်စင်ပေးပါတယ်။

(၆) ဘီယာဟာ မှတ်ဉာဏ်နဲ့ စိတ်ကျန်းမာရေး ကောင်းမွန်စေပါတယ်

ဘီယာတစ်ခွက်နှစ်ခွက်သောက်သုံးခြင်းဟာ သင့်ကို ပိုပြီးဉာဏ်ကောင်းစေရုံမကဘဲ စိတ်ကူးဉာဏ်ကိုပါ ဖွံ့ဖြိုးစေပါတယ်။ ဒါ့အပြင် သိမြင်နားလည်မှုကို ပိုမိုကောင်းမွန်စေတဲ့ ဗျစ်စေ့သီးမှာပါဝင်တဲ့ Xanthohumol ဟာ မှတ်ဉာဏ်ပျက်စီးမှုဖြစ်စဉ်ကို နှေးကွေးစေပါတယ်။ ဒီဓါတ်ပစ္စည်းဟာ သူငယ်ပြန်ရောဂါနဲ့ ဆက်စပ်နေတဲ့ ဦးနှောက်ဆဲလ် ဓါတ်တိုးပျက်စီးခြင်းကိုလည်း ကာကွယ်ပေးနိုင်ပါတယ်။ ဒါတင်မကသေးပါဘူး၊ ဘီယာသောက်သုံးခြင်းဟာ ဦးနှောက်အတွင်း ဒိုပါမင်းပမာဏကို မြင့်တက်စေတဲ့အတွက် သင့်ကို စိတ်တည်ငြိမ်ပြီး သက်တောင့်သက်သာဖြစ်စေပါတယ်။ ဒါကြောင့် “ဘီယာအေးအေး၊ သက်တောင့်သက်သာအချိန်” ကို ခံစားနိုင်ဖို့ ရိုးမဘီယာတစ်ခွက်လောက် ငှဲ့သောက်ကြည့်ဖို့ အချိန်ကောင်းပါပဲ။

(၇) ဘီယာဟာ မကောင်းတဲ့ကိုလက်စထရောကို လျော့ကျစေပါတယ်

သင့်ရဲ့ ကိုလက်စထရောပမာဏကို ကျဆင်းစေချင်တယ်ဆိုရင် ဘီယာတစ်ခွက်နှစ်ခွက်သောက်သုံးကြည့်သင့်ပါတယ်။ ဘီယာမှာ ကိုလက်စထရောမပါဝင်ရုံသာမက သင့်ခန္ဓာကိုယ်ရဲ့ ကိုလက်စထရောပမာဏကို ပိုပြီးသင့်တင့်စေပါတယ်။ ဘီယာဟာ သွေးလွှတ်ကြောပိတ်ဆို့မှုမဖြစ်အောင် ကာကွယ်ပေးတဲ့ Lipoprotein ဆိုတဲ့ ကောင်းတဲ့ကိုလက်စထရော ပမာဏကို မြှင့်တင်ပေးပါတယ်။ ဒါ့အပြင် နှလုံးကို အန္တရာယ်ဖြစ်စေတဲ့ မကောင်းတဲ့ LDL ကိုလက်စထရောပမာဏကို လျှော့ချပေးနိုင်တဲ့ ဖိုက်ဘာပမာဏ အမြောက်အမြားပါဝင်ပါတယ်။

(၈) ‘ဘီယာဗိုက်’ ဟာ အမှန်တော့ ဘီယာကြောင့်ဖြစ်တာမဟုတ်ပါ

ဘီယာသောက်ခြင်းကြောင့် သင့်ဝမ်းဗိုက်ပူလာတယ်လို့ထင်ရင် သေချာပြန်စဉ်းစားကြည့်ပါဦး။
လေ့လာချက်အများအပြားရဲ့ တွေ့ရှိချက်တွေအရ ဘီယာကို ပုံမှန် (နဲ့ အသင့်အတင့်) သောက်သုံးသူတွေဟာ ဗိုက်ပူခြင်းမရှိရုံတင်မက မသောက်သုံးသူတွေထက် ကိုယ်အလေးချိန်နည်းပါးပါတယ်တဲ့။ ဘီယာဟာ သင့်ရဲ့ ဇီဝဖြစ်စဉ်ကို မြှင့်တင်ပေးတဲ့အပြင် သင့်ခန္ဓာကိုယ်ကို အဆီစုပ်ယူမှုမရှိအောင် ထိန်းသိမ်းပေးပြီး ပိုမိုကျန်းမာစေပါတယ်။ ဒါကြောင့် ဘီယာကို ကျန်းမာရေးနဲ့ညီညွတ်တဲ့ စားသောက်နေထိုင်မှုပုံစံတစ်ခုအဖြစ် သင့်တင့်စွာ သောက်သုံးမယ်ဆိုရင် သင်အဆင်ပြေမှာပါ။

(၉) ဘီယာဟာ ရုပ်ဆင်းသဏ္ဍာန်ကို အထောက်အကူဖြစ်စေတဲ့ ဗီတာမင်တွေကို မြှင့်တင်ပေးပါတယ်

ဘီယာသောက်ပြီး ရုပ်ရည်ပိုမိုကြည့်ကောင်းလာအောင် လုပ်နိုင်ပါသလား။ ဟုတ်ကဲ့ လုပ်နိုင်ပါတယ်။ ဘီယာမှာပါဝင်တဲ့ ဗီတာမင်တွေဟာ ဝက်ခြံမဖြစ်အောင်နဲ့ ဖြစ်ထားပြီဆို ပြန်လည်ပြုပြင်ပေးဖို့ လုပ်ဆောင်ပေးပြီး အသားအရေကို ကြည်လင်ရှင်းသန့်စေပါတယ်။ ဘီယာမှာပါတဲ့ ဗျစ်စေ့သီးနဲ့ မုယောစပါးတို့ကလည်း ဆံပင်သန်စွမ်းပြီး အသားအရေ ဝင်းမွတ်စေကာ ယောင်ယမ်းခြင်းကို ကာကွယ်ပေးတဲ့အပြင် သင့်ကိုပိုပြီးကြည့်ကောင်းစေပါတယ်။ ဘီယာဟာ ဗီတာမင် E ပမာဏနဲ့ ထိရောက်မှုကို မြှင့်တင်ပေးပြီး အသားအရေကို ကျန်းမာလှပစေတဲ့ ဓါတ်တိုးမှု ဆန့်ကျင်ပစ္စည်း (Antioxidant) အဖြစ် စွမ်းဆောင်ပေးတဲ့အတွက် အိုမင်းရင့်ရော်မှုကို နှေးကွေးစေပါတယ်။

(၁၀) ဘီယာဟာ သင့်ကို ပျော်ရွှင်စေပါတယ်

ပင်ပန်းနွမ်းနယ်လှတဲ့ တစ်နေ့တာအဆုံးမှာ ရေခဲစိမ်ဘီယာအေးစိမ့်စိမ့်လေးတစ်ခွက် သောက်ရတာထက်ကောင်းတာ ဘာမှမရှိဘူးဆိုတာ သင်သိပြီးသား ဖြစ်မှာပါ။ ဒါပေမယ့် သိပ္ပံနည်းကျတွေ့ရှိချက်တစ်ခု ရှိပါသေးတယ်။ အဲဒါကတော့ ဒီလို စိတ်ကျေနပ်မှုဖြစ်တဲ့ အရသာဟာ သင်အနားယူလိုက်ရတာတစ်ခုတည်းကြောင့်မဟုတ်ဘဲ ဘီယာက အမှန်တကယ် သင့်ကို ပျော်ရွှင်စေလို့ ဖြစ်ပါတယ်တဲ့။

ဘီယာသောက်ခြင်းက သင့်ကိုပျော်ရွှင်စေပါတယ်ဆိုတာ သင်သိပါသလား

ဂျာမနီနိုင်ငံက သိပ္ပံပညာရှင်တွေဟာ အစားအသောက် အမျိုးအစား ၁၃,၀၀၀ ကျော်ကို လေ့လာခဲ့ပြီး ဘယ်အရာကတော့ လူ့ဦးနှောက်ရဲ့ စိတ်ကျေနပ်မှုဖြစ်စေတဲ့အပိုင်းကို အထိရောက်ဆုံး လှုံ့ဆော်ပေးနိုင်သလဲဆိုတာ စူးစမ်းခဲ့ကြပါတယ်။ ရလဒ်တွေအရ ဘီယာဟာ အကောင်းဆုံးဖြစ်တယ်ဆိုတာ အံ့အားသင့်ဖွယ် တွေ့ရှိခဲ့ရပါတယ်။ ဘီယာဟာ ကျွန်တော်တို့ရဲ့ ဦးနှောက်က စိတ်ကျေနပ်မှုဖြစ်စေတဲ့အပိုင်းကို လှုံ့ဆော်ပေးပြီး ပျော်ရွှင်ကျေနပ်စိတ်ကို ဖြစ်စေတဲ့ Dopamine ဟော်မုန်းကို အများအပြားထွက်စေတာကြောင့် စိတ်ခံစားချက်ပိုကောင်းစေနိုင်တာ ဖြစ်ပါတယ်။

ဒါနဲ့ ဘီယာဟာ လူတွေရဲ့ အောင်မြင်မှု လျှို့ဝှက်ချက်တစ်ခုဖြစ်တယ်ဆိုတာလည်း ပြောပြလိုက်မိရဲ့လား။ကဲ … ဒီနေ့ပြောပြပေးချင်တာကတော့ ဒီလောက်ပါပဲ။ ဘီယာသောက်ကြည့်ပါ။ ကျန်းကျန်းမာမာနဲ့ ပျော်ပျော်ရွှင်ရွှင် နေထိုင်သွားနိုင်မှာပါ။

ဘီယာကို ဘယ်သူတွေ ရှောင်ကြဉ်သင့်သလဲ။

သိပ္ပံနည်းကျတွေ့ရှိချက်တွေအရ ဘီယာမှာ အံ့မခန်း ကျန်းမာရေးကောင်းကျိုးတွေရှိနေပါတယ်။ ဒါပေမယ့် သူ့မှာ Alcohol ပမာဏအနည်းငယ်ပါဝင်တယ်ဆိုတာကိုတော့ မမေ့သင့်ပါဘူး။ ဒါကြောင့် အသက် (၁၈) နှစ်မပြည့်သေးသူတွေ၊ ကိုယ်ဝန်ဆောင်နဲ့ နို့တိုက်ကလေးမိခင်တွေ၊ ကျန်းမာရေးပြဿနာတစ်စုံတစ်ရာရှိနေသူတွေကတော့ ဘီယာကို ရှောင်ကြဉ် သင့်ပါတယ်။

Team ( ရိုးရာလေး )