ညဘက်တွေဆို နှစ်ခြိုက်စွာ အိပ်ပျော်ကြရဲ့လား။ တချို့လူတွေဟာ သန်းခေါင်ယံအချိန်မှာ နိုးလာခြင်း၊ ကြက်အိပ်ကြက်နိုးဖြစ်ခြင်းတို့ကြောင့် ကောင်းကောင်းမွန်မွန် မအိပ်နိုင်ကြပါဘူး။ ညတိုင်း ကောင်းမွန်စွာ အိပ်ပျော်ဖို့အတွက် ဘယ်လိုအစားအစာတွေကို စားသင့်သလဲ။
၁။ အသားဓာတ်ဖြစ်စေသော အမီနိုအက်ဆစ်ပါတဲ့ အစားအစာတွေ စားပါ။
သူတို့ဟာဆိုရင် လူကို မှိန်းစေတတ်တဲ့အတွက် အိပ်စက်ခြင်းကို အထောက်အကူပေးပါတယ်။ ဒီဓာတ်ပါတဲ့ အစားအစာအချို့ကတော့ ကြက်ဥအကာ၊ ပဲပိစပ်၊ ကြက်သား၊ အဆီဓာတ်နည်းတဲ့ ဒိန်ခဲနဲ့ အစေ့အဆန်တွေ ဖြစ်ပါတယ်။
၂။ ကစီဓာတ်များတဲ့ အစားအစာတွေစားပါ။
ဒီဓာတ်ဟာ အသားဓာတ်များပြီး အဆီဓာတ်နည်းတဲ့အတွက် ကောင်းမွန်တဲ့ အိပ်စက်ခြင်းကို ရဖို့ အထောက်အကူဖြစ်စေမှာပါ။ ဥပမာ- ထမင်း၊ ဂျုံ။
၃။ သကြားဓာတ်များပြီး အဆီဓာတ်များတဲ့ အစားအစာကို ရှောင်ပါ။
သကြားဓာတ်ကို တောင့်တနေတယ်ဆိုရင်တော့ နာနတ်သီး၊ လိမ္မော်သီး နဲ့ ငှက်ပျောသီးကို စားပါ။
၄။ စပ်တဲ့ အစားအစာနဲ့ ကဖိန်းဓာတ်ကို ရှောင်ပါ။
သုတေသနပညာရှင်များက မအိပ်ခင် ၆ နာရီလောက် ကတည်းက ကဖိန်းဓာတ်ကို မသောက်ဖို့ပြောကြတယ်။ ဥပမာ- ကော်ဖီ၊ ဂတ်စ်ပါတဲ့ အချိုရည်။
၅။ အစာအမျာကြီး စားတာကို ရှောင်ပါ။
ညစာကို မအိပ်ခင် လေး၊ငါး နာရီ အကွာမှာ စားသုံးပေးပါ။
ဒီအချက်တွေကို လိုက်နာမယ်ဆိုရင်တော့ သင် ကောင်းမွန်နှစ်ခြိုက်စွာ အိပ်စက်နိုင်မယ်ဆိုတာ သေချာနေပါပြီ။
