ထုံးကျောက်မှုန့်ပုံထဲမှာ ကစားခဲ့တဲ့ ၇ နှစ်သားကလေးငယ် သေဆုံး

လမ်းဘေးက ကျောက်မှုန့်ပုံထဲမှာ ကစားခဲ့တဲ့ ဘရာဇီးနိုင်ငံမှ ၇ နှစ်သား ကလေးငယ် သေဆုံးခဲ့ပါတယ်။ သြဂုတ်လ ၃ ရက်နေ့က ဘရာဇီးနိုင်ငံတောင်ပိုင်း အိုင်ပရီရန်ဂါမြို့မှာ အခုလို ဖြစ်ခဲ့တာပါ။ မိဘတွေနဲ့အတူ ရှိနေတုန်း ကလေးငယ်က လမ်းဘေးမှာရှိတဲ့ အဖြူရောင်ကျောက်မှုန့်ပုံကြီးကို သတိထားမိသွားပြီး သဲသောင်ပြင်မှာ ကစားသလို လူးလိမ့်ကစားတယ်။

မိဘတွေကလည်း အန္တရာယ်ဖြစ်မယ်မှန်း သတိမထားမိဘူး။ ကျောက်မှုန့်ပုံထဲမှာ ကလေးငယ် ကစားနေတာကို ဓာတ်ပုံတွေတောင် ရိုက်ပေးလိုက်သေးတယ်။ ကျောက်မှုန့်ပုံထဲက ထွက်လာပြီး သိပ်မကြာခင်မှာပဲ ကလေးငယ် အာသာ နေထိုင်မကောင်းဖြစ်လို့ ဆေးရုံ တင်ခဲ့ရတယ်။

တကယ်တော့ အဲဒီကျောက်မှုန့်တွေဟာ ဆောက်လုပ်ရေးကုမ္ပဏီတစ်ခုက လမ်းဘေးမှာ ပုံထားတဲ့ ထုံးကျောက်မှုန့်တွေပါ။ ထုံးကျောက်မှုန့်တွေနဲ့ ထိတွေ့မိရင် အရေပြားနဲ့ မျက်လုံးတွေ ယားယံစေပြီး ရှူသွင်းမိရင် အန္တရာယ်ရှိပါတယ်။ အဆုတ်ကင်ဆာ၊ အဆုတ်ရောင်ရောဂါ၊ အသက်ရှူလမ်းကြောင်း ပိတ်ဆို့တဲ့ရောဂါတွေ ဖြစ်စေနိုင်ပါတယ်။

ထုံးကျောက်မှုန့်တွေ ရှူသွင်းမိလို့ အဆိပ်သင့်တဲ့ လက္ခဏာပြလာပြီဆိုရင် အောက်ဆီဂျင်ရှူခိုင်းပြီး ချက်ချင်းကုသမှုပေးဖို့ လိုအပ်တယ်လို့ ဘရာဇီးနိုင်ငံ သုတေသနနဲ့ နည်းပညာသိပ္ပံက လမ်းညွှန်ထားပါတယ်။ အာသာရဲ့မိဘတွေကတော့ သူတို့မှားခဲ့သလို အမှားမျိုး တခြားမိဘတွေ မလုပ်မိအောင် လူမှုကွန်ရက်မှာ အာသာရဲ့ဓာတ်ပုံကို တင်ပြီး ဒီအကြောင်း ရေးသားခဲ့တာပါ။

Ref: 7-Year-Old Boy Dies After Posing in Limestone Dust for Family Photo

NZ ( ရိုးရာလေး)