ဂျော်ဂျီယာ မက်ဂါရီဆိုတဲ့ အသက် ၉၉ နှစ်အရွယ်အဘွားဟာ နှစ် ၈၀ အကြာမှာ အထက်တန်းဒီပလိုမာဘွဲ့ကို ရရှိခဲ့ပါတယ်။ ပြီးခဲ့တဲ့အပတ်က ကျင်းပတဲ့ ပညာရေးဘုတ်အဖွဲ့အစည်းအဝေးမှာ the Switzerland of Ohio Local School District ကနေ အသိအမှတ်ပြုအထက်တန်းကျောင်းအောင်လက်မှတ်လက်ခံရရှိခဲ့တာပါ။
မက်ဂါရီက အခုလိုရမယ်လို့မထင်ခဲ့ပါဘူး။ ညစာသွားစားရမယ်လို့ တွေးခဲ့တာပါ။ အံ့အားသင့်စွာပဲ သူ့ကို အထက်တန်းဒီပလိုမာချီးမြှင့်မယ့်အခမ်းအနားဖြစ်နေခဲ့တာပါ။
သူဟာ ၁၉၄၄ ခုနှစ်က Woodsfield High School ကနေ ဘွဲ့ယူဖို့ စီစဉ်ခဲ့ပေမဲ့ ဒုတိယကမ္ဘာစစ်အတွင်း သူ့မိသားစုကို ထောက်ပံ့ရမှာမို့ ကျောင်းထွက်ကာ အလုပ်လုပ်ခဲ့ရတာပါ။ သူ့ရဲ့အိပ်မက်က အထက်တန်းဒီပလိုမာရဖို့ဆိုတာကို မေရီ အာဒမ်ဆိုသူက သိပြီး အခုလိုအခမ်းအနားနဲ့ ကူညီဖြည့်ဆည်းပေးခဲ့တာပါ။ မက်ဂါရီရဲ့အထက်တန်းဒီပလိုမာမှာ ဘွဲ့ရတဲ့ရက်စွဲကိုလည်း ၁၉၄၄ ခုနှစ် မေလ ၁၉ ရက်နေ့ရက်စွဲထည့်ပေးထားပါတယ်။
Ref: 99-Year-Old Woman Finally Receives High School Diploma in Surprise Ceremony After She Had to Quit School in WWII
WL (ရိုးရာလေး)
