Vivo Myanmar က ကျင်းပ ပြုလုပ်တဲ့ v7၊ v7+ မိတ်ဆက်ပွဲ အခမ်းအနားကို စက်တင်ဘာလ ၂၅ ရက်နေ့က ပြည်လမ်းမှာရှိတဲ့ Novotal Yangon Max Hotel မှာ ကျင်းပ ပြုလုပ်သွားခဲ့ပါတယ်။
အခမ်းအနားကို ဖိတ်ကြားထားတဲ့ ဧည့်သည်တော်များနဲ့ အတူ အနုပညာရှင်များက တက်ရောက်ခဲ့ကြပြီး ဇော်ပိုင်၊ ဖြူဖြူကျော်သိန်း နဲ့ ဝိုင်းစုခိုင်သိန်းတို့က တေးသီချင်းများနဲ့ သီဆို ဖျော်ဖြေခဲ့ကြတဲ့ အပြင် Life & Dance အက အဖွဲ့မှလည်း မြူးကြွတဲ့ အကတွေနဲ့ တင်ဆက်ခဲ့ကြပါတယ်။ သီဆိုဖျော်ဖြေနေကြတဲ့ တေးသံရှင်တွေရဲ့ ပုံတွေကို မျှဝေပေးလိုက်ပါတယ်။
အဆိုပါ မိတ်ဆက်ပွဲ အခမ်းအနားမှာတော့ Vivo က အသစ်ထုတ်လုပ်လိုက်တဲ့ v7+ နဲ့ ပတ်သက်တဲ့ ကောင်းမွန်တဲ့ Features တွေအကြောင်း အပြင် ရောင်းချမယ့် ဈေးနှုန်းနဲ့ ကြိုတင် မှာယူနိုင်တဲ့ နေ့ရက်တွေကို တရားဝင်ကြေညာသွားခဲ့ပါတယ်။ Vivo v7+ ကိုတော့ မြန်မာငွေ ၄၂၉၀၀၀ ကျပ်နဲ့ ရောင်းချသွားမှာ ဖြစ်ပြီး စက်တင်ဘာလ ၂၆ ရက်နေ့မှ ၃၀ ရက်နေ့အထိ ကြိုတင်မှာယူလို့ရနေပြီလို့ သိရပါတယ်။
Zym (ရိုးရာလေး)
Photo Credit- Vivo Myanmar
