အပတ်စဉ် ဗေဒင်ဟောစာတမ်းကဏ္ဍ (၂၉-၇-၂၀၁၈ မှ ၄-၈-၂၀၁၈ အထိ)

ရိုးရာလေးပရိသတ်တွေအတွက် ဆရာ ကင်္ကသူရဲ့ စန္ဒသူရိယ နက္ခတ္တဝေဒ ဟောစာတမ်းကို တင်ဆက်ပေးလိုက်ပါတယ်။

တနင်္ဂနွေ  ယခုအပတ်အတွက် တနင်္ဂနွေ သားသမီးတို့ကတော့ စီးပွားရေး ကောင်းနေတတ်ပါတယ်။ စပ်တူလုပ်ငန်း လုပ်ဆောင်သူတွေကတော့ အနည်းငယ် ပြန်ကောင်းလာပြီး ညှိနှိုင်းမှု့ အဆင်ပြေလာလိမ့်မယ်။ ကျန်းမာရေး အနေနဲ့ကတော့ ဆီးရောဂါ ရတတ်ပြီး နှလုံးရောဂါ ရှိသူများ ဒီတစ်ပါတ်မှာလည်း ဆက်ပြီးအထူးသတိထားရမယ့် အချိန်ဖြစ်တယ်။ အချစ်ရေးမှာတော့ ချစ်သူနှစ်ဦး ဆက်ဆံရေး သွေးအေးနေတတ်တာပါ။ အိမ်ထောင်ရှင်တွေအနေနဲ့လည်း မိဘတွေနဲ့ အဆင်မပြေတာတွေ ဝင်နှောက်ယှက်တာတွေ ဖြစ်တတ်ပါတယ်။ ပညာရေးကို လိုက်စားတဲ့သူတွေကတော့ လုပ်ငန်း လက်တွေ့သင်တန်းဖြစ်ပါက ပိုကောင်းပါတယ်။ လူမူ့ရေးလုပ်ငန်းတွေမှာ ပါဝင်လုပ်ဆောင်ခြင်းဖြင့် စိတ်သောကတွေ ပြေပျောက်ပါ့မယ်။ အစိုးရဝန်ထမ်းများ ကံကောင်းနေပါလိမ့်မယ်။ အကျိုးပေးဂဏန်းမှာ - ၆၊ ၁၊ ၀။ ယတြာ - အုန်းသီးပါသောမုန့်များကို ကလေးများအား ဝေပေးပါ။

တနင်္လာ   ယခုအပတ်အတွင်း တနင်္လာ သားသမီးတို့ကတော့ စီးပွားရေးအတွက် ဆုံးဖြတ်ချက် သေသေချာချ ချမှတ်တတ်ဖို့ လိုပါတယ်။ စပ်တူလုပ်ငန်း လုပ်သူများကလည်း အခြေအနေမကောင်းသေးပါဘူး။ ကျန်းမာရေးအနေနှင့်ကတော့ မျက်လုံးနှင့်ဆိုင်သော ဝေဒနာသမားများ ဒီတစ်ပါတ်မှာလည်း ဆက်သတိထားရမည့်အချိန်ဖြစ်တယ်။ အချစ်ရေး ကံကောင်းနေပြီး ချစ်သူနှင့် ယာယီ ခွဲနေရတတ်ပါတယ်။ အိမ်ထောင်ရှင်များလည်း စိတ်ရှည်သည်းခံဖို့ လိုပါတယ်၊ ဆွေမျိုးတွေကို အကြောင်းပြုပြီး စိတ်သောကရောက်ရတတ်ပါတယ်။ ပညာရေးသမားများကတော့ ဒီလအတွင်း သင်တန်းသစ်တွေ တက်နေရပေမယ့် မရေမရာ ဖြစ်တတ်ပါတယ်။ စက်ပစ္စည်း၊ ကားစတဲ့ ပစ္စည်းရောင်း/ဝယ်ရေးလုပ်ကိုင်သူများ အထူးသတိပြုရမယ်၊ စကားမှားတတ်ပါတယ်။ ဝန်ထမ်းလုပ်သူများကတော့ ဒီတစ်ပါတ်ကောင်းပါတယ်။ အကျိုးပေးဂဏန်း – ၀၊ ၅၊ ၁။ ယတြာ – ချို့တဲ့ကလေးများအား ကိတ်မုန့်ကျွေးပါ။    အင်္ဂါ  ယခုအပတ်အတွင်း အင်္ဂါ သားသမီးတွေကတော့ မထင်တာတွေ ဖြစ်လာတတ်တဲ့အတွက် စီးပွားရေးလုပ်ငန်း လုပ်သူများ သတိနဲ့လုပ်ကိုင်ရမည်။ မထင်မှတ်သော ကိစ္စတစ်ခုကြောင့် အတိုင်ခံရပြီး ရုံးတက် ဖြေရှင်းရတဲ့အထိ ဖြစ်သွားလိမ့်မည်။ ရေလုပ်ငန်းနှင့်ဆိုင်သော စီးပွားရေးသမားများ ကံကောင်းပြီး ဆောက်လုပ်ရေးနှင့်ဆိုင်သော စီးပွားရေးလုပ်ငန်း လုပ်ကိုင်သူများ အခက်အခဲရှိပါလိမ့်မယ်။ ကျန်းမာရေးအနေနှင့်ကတော့ ခေါင်းကိုက်တတ်ပြီး၊ အစာအိမ်ရောဂါများ အထူးသတိထားသင့်ပါတယ်။ အချစ်ရေးကတော့ အဆင်ပြေပါသည်။ အိမ်ထောင်ရှင်များ လုပ်ငန်းကြောင့် ခွဲနေရတတ်ပါတယ်။ ပညာရေးအနေနဲ့ကတော့ အလွန်ကြိုးစားရပါ။ ဝန်ထမ်းများ ကံကောင်းပါတယ်။ အကျိုးပေးဂဏန်း – ၅၊ ၆၊ ၂။ ယတြာ – ငှက်ကလေးများကို အစာကျွေးပြီး လိုရာဆုတောင်းပါ။     ဗုဒ္ဓဟူး  ယခုအပတ်အတွင်း ဗုဒ္ဓဟူး သားသမီးတို့ကတော့ မိမိလုပ်ဆောင် တာဝန်ယူရသော လုပ်ငန်းမှာ ပြီးပြတ်သလောက် ရှိပြီဖြစ်သည်။ မည်သည့်အလုပ်မဆို သေချာ စဉ်စားလုပ်ဆောင်ရမယ့် အခြေအနေဖြစ်တယ်။ စပ်တူလုပ်ငန်းများ ပြန်သတိထားရမည့်အချိန် ဖြစ်သည်။ ကျန်းမာရေးအနေနဲ့ကတော့ ခါးနာတာ ဖြစ်တတ်ပါတယ်။ ဒီတစ်ပါတ်မှာလည်း သွေးတိုး၊ ဆီးချိုသမားများ သတိထားရမယ့် အချိန်ပါ။ အချစ်ရေးကတော့ အထင်လွဲသော အချစ်တစ်ခု ဖြစ်တတ်ပါတယ်။ အိမ်ထောင်ရေးကလည်း အေးစက်နေပါတယ်။ ပညာရေးသမားများ ဆရာသစ် ရှာတွေ့လိမ့်မည်။ ဝန်ထမ်းများ လုပ်ငန်းကို နှစ်ခါပြန်လုပ်ရတတ်ပြီး ပင်ပန်းနေလိမ့်မယ်။  ရာဟု။ သားသမီးတို့ကတော့ ကျန်းမာရေး ညံတတ်ပြီး စိတ်လိုက်မာန်ပါ မလုပ်မိအောင် သတိထားရမယ့်အချိန် ဖြစ်ပါတယ်။ ထိခိုက်မိတတ်တဲ့ အချိန်ဖြစ်တယ်။ တိရိစ္ဆာန်တွေကို မသတ်ဖို့ အရေးကြီးပါတယ်။ အကျိုးပေးဂဏန်း – ၂၊ ၅၊ ၁။ ယတြာ - ဗုဒ္ဓဟူးနေ့တွင် ဘုရားသန့်ရှင်းရေးလုပ်ပါ။     ကြာသပတေး  ယခုအပတ်အတွင်း ကြာသာပတေး သားသမီးတို့အတွင် ခိုင်မာသော စီးပွားရေး လုပ်ငန်းထူထောင်ရမယ့် အချိန်ဖြစ်ပါတယ်။ လုပ်ငန်းသစ် ပြောင်းလုပ်မယ်လို့ ရည်ရွယ်ရင် အခုချိန် စတင်နိုင်သောကာလ ဖြစ်သည်။ ငွေကိစ္စများ အဆင်ပြေမည်။ ကျန်းမာရေးအနေနှင့် ဆီးရောဂါရှိသူများ ရောဂါပြန်ဖောက်တတ်လို့ အထူးသတိထားပါ။ ချစ်သူ ရည်းစားများ ကြားလူဝင်သဖြင့် စိတ်ညစ်ရမည်။ အိမ်ထောင်ရှင်များ တစ်ယောက်ကိုတစ်ယောက် အိမ်ထောင်ရေး တင်းမာတတ်ပါတယ်။ ပညာရေးသမားများ သင်တန်းမှားတတ်ခြင်းကြောင့် အချိန်ကုန် လူပန်းဖြစ်မည်။ ဝန်ထမ်းများ ခရီးထွက်ရခြင်း၊ နယ်ပြောင်းရခြင်းများ ရှိပါသည်။ အကျိုးပေးဂဏန်း – ၅၊ ၆၊ ၂။ ယတြာ – ကြာသာပတေးနေ့တွင် ရဟန်းတစ်ပါးအား ငွေ(၅၀၀) လှူပါ။         သောကြာ  ယခုအပတ်အတွင်း သောကြာ သားသမီးတို့သည် မျှော်လင့်ထားသည့်အတိုင်း စီးပွားရေး ဖြစ်မလာသောအခါ စိတ်ဓါတ်ကျတတ်သည်။ ငွေကြေးလုပ်ငန်း၊ ယာဉ်၊ စက်၊ ကားစသည့်လုပ်ငန်းများ ကောင်းမွန်ပြီး တွင်းထွက်ပစ္စည်း လုပ်ငန်းများ၊ ကျောက်မျက် ရတနာလုပ်ငန်း လုပ်သူများ ညံ့ပါသည်။ ငွေကြေး၊ အဆောက်အဦးကိစ္စအတွက် အလွန်စိတ်ပူရလိမ့်မည်။ ကျန်းမာရေးကတော့ အစာအိမ်ရောဂါရှင်များ အရေးကြီးပါသည်။ အချစ်ရေးကတော့ ကောင်းနေပါသည်။ အိမ်ထောင်သည်များလည်း စိတ်ချမ်းသာရမည်။ ပညာရေးသမားများ ကြိုးစားရမည်။ အစိုးရဝန်ထမ်းများ  သတိထားရလိမ့်မည်၊ နေရာလုခံရတတ်သည်။ အကျိုးပေးဂဏန်း – ၆၊ ၀၊ ၃။ ယတြာ – သောကြာနေ့နံနက်တွင် တိရိစ္ဆာန်များကို ပေါင်မုန့်များကျွေးပါ။     စနေ  ယခုအပတ်အတွင်း စနေသားသမီးတို့သည်  စီးပွားရေးလုပ်ငန်းများ ပြန်လည်နလံထူ လာသည့်အချိန်ဖြစ်သည်။ ငွေကြေးကိစ္စများ ဖြေရှင်းနိုင်ခဲ့သဖြင့် စိတ်သက်သာရာ ရလာမည်။ လုပ်ငန်းဟောင်းက ငွေပြန်ပေါ်မည်။ ကျန်းမာရေးအနေနှင့်က ခါးနာဝေဒနာရှင်များ ရောဂါဟောင်းပြန်ထပြီး ဆေးကုသရမည့်အချိန်ဖြစ်သည်။ အချစ်ရေးတွင် ကံအထူးကောင်းပါသည်၊ ချစ်သူနှစ်ဦး မထားမိရန် အထူးသတိပြုပါ။ အိမ်ထောင်သည်များ သားသမီးကိစ္စကို အကြောင်းပြုပြီး သဘောထား ကွဲနေတတ်သည်။ ပညာရေးသမား အောင်မြင်ပါလိမ့်မယ်။ ဝန်ထမ်းများ လုပ်ငန်းသုံး အရေးကြီးပစ္စည်း (လက်နက်ကိုင်များ ပိုသတိထားရ) ပျောက်သဖြင့် ပြသနာအကြီးစား တက်တတ်သည်။ အကျိုးပေးဂဏန်း – ၇၊ ၁၊ ၅။ ယတြာ – စနေနေ့တွင် ငှက်လွှတ်ပါ

ဆရာကင်္ကသူ (ရိုးရာလေး)

Doctoral Thesis Of Astro-Palmist.

Membership Of (H.A.P.R.I)