ကမ္ဘာကျော်အဆိုတော် တေလာဆွစ်ဖ်ဆီက ငှားရမ်းထားတဲ့ ဝတ်စုံတွေ၊ ဂီတတူရိယာတွေနဲ့ အခြားပစ္စည်းတွေကို လန်ဒန်မြို့ရှိ Victoria and Albert Museum မှာ ခင်းကျင်းပြသထားပါတယ်။ နွေရာသီပြပွဲကို Taylor Swift | Songbook Trail လို့ အမည်ရပြီး ပြတိုက်ရဲ့ပြခန်းအများအပြားမှာ Installation ၁၃ ခု ပြုလုပ်ထားပါတယ်။
တေလာဆွစ်ဖ်ရဲ့ဂီတလမ်းကြောင်းကို မီးမောင်းထိုးပြပြီး မတူညီတဲ့ဖျော်ဖြေပွဲတွေမှာ တေလာဆွစ်ဖ်ဝတ်ဆင်ခဲ့တဲ့အရာတွေကို ပြသထားတာပါ။
ခင်းကျင်းပြသမယ့် ပစ္စည်းတွေထဲက တစ်ခုက တေလာဆွစ်ရဲ့ဂီတလမ်းကြောင်းအစမှာ ဝတ်ဆင်ခဲ့တဲ့ Cowboy ဘွတ်ဖိနစ်လည်း ပါဝင်ပါတယ်။ The Man သီချင်းထဲက ဆံပင်အတုတွေ၊ The Willow သီချင်းအတွက် Storyboard တွေ၊ မြွေရုပ်ပါတဲ့ရွှေရောင်မိုက်ခရိုဖုန်းတို့လည်းပါဝင်ပါတယ်။ Speak Now ကမ္ဘာလှည့်ဖျော်ဖြေပွဲမှာ တေလာတီးခတ်ခဲ့တဲ့ ukulele နဲ့ Red အယ်လ်ဘမ်ကာဗာမှာ ဝတ်ဆင်ခဲ့တဲ့ တံငါသည်ဦးထုပ်တွေကိုလည်း ပြသမှာပါ။
“Taylor Swift Songbook Trail” ပြပွဲကို ဇွန်လ ၂၇ ရက်ကနေ စက်တင်ဘာ ၈ ရက်နေ့အထိ ပြသထားပါတယ်။ ဝင်ကြေးကတော့ အခမဲ့ဖြစ်ပါတယ်။
Ref: Taylor Swift lends personal items to UK’s V&A for museum ‘journey’
WL (ရိုးရာလေး)
