မြန်မာငလျင်မှာ ရှာဖွေရေးနဲ့ ကယ်ဆယ်ရေးလုပ်ငန်းတွေကို ကူညီပံ့ပိုးပေးဖို့အတွက် စင်ကာပူနိုင်ငံမှ ဆိုက်ဘော့ပိုးဟပ် ၁၀ ကောင် စေလွှတ်ပေးခဲ့ပါတယ်။ လူသားချင်းစာနာထောက်ထားမှုဆိုင်ရာ လုပ်ငန်းတွေမှာ အခုလို အင်းဆက်ဆိုက်ဘော့တွေကို အသုံးပြုတာဟာ ပထမဆုံးအကြိမ်ပါပဲ။
မတ်လ ၃၁ ရက်က စင်ကာပူပြည်သူ့ကာကွယ်ရေးတပ်ဖွဲ့ရဲ့ Operation Lionheart မှာ ဆိုက်ဘော့ပိုးဟပ်တွေကို စတင်အသုံးပြုခဲ့ပြီး ဧပြီလ ၃ ရက်က နေပြည်တော် ရှာဖွေကယ်ဆယ်ရေးလုပ်ငန်းတွေမှာ နှစ်ကြိမ်တိုင်တိုင် အသုံးပြုခဲ့ပါတယ်။
၆ စင်တီမီတာ ရှည်လျားတဲ့ မာဒါဂက်စ်ကာမျိုးစိတ် ပိုးဟပ်တွေကို အနီအောက်ရောင်ခြည်ကင်မရာနဲ့ ဆင်ဆာတွေ တပ်ဆင်ပေးထားပြီး ပိုးဟပ်တွေရဲ့ လှုပ်ရှားမှုကို Electrodes တွေအသုံးပြုကာ ထိန်းချုပ်တာ ဖြစ်ပါတယ်။ ဆိုက်ဘော့ပိုးဟပ်တွေရဲ့ သေးငယ်တဲ့ အရွယ်အစားကြောင့် အလွန်ကျဉ်းမြောင်းတဲ့နေရာတွေကို ဝင်ရောက်ရှာဖွေမှုတွေ ပြုလုပ်နိုင်စွမ်း ရှိပါတယ်။
ကင်မရာနဲ့ ဆင်ဆာတွေကနေ ရရှိလာတဲ့ သတင်းအချက်အလက်ကို machine-learning အယ်ဂိုရစ်သမ်စနစ်က ခွဲခြမ်းစိတ်ဖြာပြီး အသက်ရှင်ကျန်ရစ်တဲ့ အရိပ်အယောင် ရှိ၊ မရှိဆိုတာကို ဆုံးဖြတ်တာ ဖြစ်ပါတယ်။
မြန်မာနိုင်ငံမှာ မတ်လ ၂၈ ရက်က လှုပ်ခတ်ခဲ့တဲ့ ပြင်းအား ၇.၇ မဂ္ဂနီကျူ့စ်ရှိတဲ့ ငလျင်ကြောင့် လူ ၃၀၀၀ ကျော် သေဆုံးခဲ့ပါတယ်။
Ref: S’pore’s cyborg cockroaches helping with search-and-rescue efforts in Myanmar quake
NZ ( ရိုးရာလေး)
