မြင်းပြိုင်ပွဲမှာ တစ်ခါမှ အနိုင်မရခဲ့ပေမဲ့ မယိမ်းယိုင်တဲ့စိတ်ဓာတ်ရှိတဲ့ ဂျပန်ပြိုင်မြင်း (Racehorse) ဟာရူ အုရာရာဟာ အသက် ၂၉ နှစ်မှာ သေဆုံးသွားခဲ့ပါပြီ။ လူသက်တမ်းနဲ့ တွက်မယ်ဆိုရင် အသက် ၉၀ နီးပါးအထိ နေနိုင်ခဲ့ပါတယ်။ သူဟာ ချိဘခရိုင်ရှိ ၂၀၁၃ ခုနှစ်ကတည်းက သူ နေထိုင်နေခဲ့တဲ့ Martha ခြံမှာ စက်တင်ဘာ ၉ ရက်နေ့က သေဆုံးခဲ့တာပါ။
ဟာရူဟာ စက်တင်ဘာ ၈ ရက်နေ့မတိုင်ခင်အထိ ကျန်းမာရေးကောင်းခဲ့တယ်။ စက်တင်ဘာ ၈ ရက်နေ့ကျမှ နေမကောင်းဖြစ်ခဲ့တယ်။ ဆေးကုသမှုတွေလုပ်ခဲ့ပေမဲ့ သူ့အခြေအနေ ဆိုးရွားခဲ့ပြီး နောက်နေ့အစောပိုင်းမှာ သေဆုံးသွားခဲ့တယ်လို့ သူ့ကို ထိန်းသိမ်းစောင့်ရှောက်ပေးသူ ယူခို မီရာဟာရာက ပြောကြားခဲ့ပါတယ်။
ဟာရူက ၁၁၃ ကြိမ်ဆက်တိုက်ရှုံးခဲ့တဲ့မှတ်တမ်းကြောင့် ၂၀၀၀ ခုနှစ် အစောပိုင်းမှာ အမျိုးသားသင်္ကေတဖြစ်လာခဲ့တာပါ။ ရှုံးပွဲတွေများခဲ့ပေမဲ့ သူ့ရဲ့မယိမ်းယိုင်တဲ့စိတ်ဓာတ်နဲ့ ခံနိုင်ရည်ရှိမှုတွေက လူအများရဲ့နှလုံးသားကို ဖမ်းစားနိုင်ခဲ့ပြီး သူ့ကို ဂျပန်ရဲ့ ဇွဲလုံ့လရဲ့သင်္ကေတအဖြစ် ပြောင်းလဲသွားစေခဲ့ပါတယ်။
မကြာသေးခင်နှစ်တွေမှာ ဟာရူက သူ ဇာတ်ကောင်တစ်ခုအဖြစ် ပါဝင်ထားတဲ့ မိုဘိုင်းလ်ဂိမ်း Uma Musume: Pretty Derby ကတဆင့် အောင်မြင်မှုရခဲ့ပါတယ်။ သူ့ရဲ့ဇာတ်ကြောင်းလေးနဲ့ ကမ္ဘာ့တစ်ဝှမ်းက ပရိသတ်တွေကို ဆွဲဆောင်ခဲ့ပြီး Martha Farm ကို လာလည်တဲ့သူများလာစေခဲ့ပါတယ်။
Ref: Japanese Racehorse Haru Urara, Famous For 113 Losses, Dies At 29
WL (ရိုးရာလေး)
