COVID-19 ကူးစက်ပျံ့နှံ့မှုကို တွန်းလှန်နိုင်ဖို့ သြစတြေးလျနိုင်ငံမှာ ထုတ်ပြန်ခဲ့တဲ့ စည်းမျဉ်းသစ်တွေအရ စျာပနအခမ်းအနားဆိုရင် အများဆုံး လူ ၁၀ ယောက်၊ မင်္ဂလာဆောင်အခမ်းအနားဆိုရင် အများဆုံး လူ ၅ ယောက်ပဲ တက်ရောက်ခွင့်ရမှာပါ။ သြစတြေးလျဝန်ကြီးချုပ် စကော့မော်ရစ်ဆင်က အစိုးရအဖွဲ့ အစည်းအဝေးလုပ်ပြီးချိန်မှာ လူစုလူဝေးလုပ်တာတွေကို အနည်းဆုံး လျှော့ချနိုင်ဖို့ ရည်ရွယ်ပြီး စည်းမျဉ်းတော်တော်များများ ထုတ်ပြန်ခဲ့တာဖြစ်ပါတယ်။ ပြည်ပခရီးသွားခွင့်အများစုကို ပိတ်ပင်သွားမှာဖြစ်ပြီး အများပြည်သူဆိုင်ရာနေရာ တော်တော်များများကိုလည်း ပိတ်ထားမှာပါ။
သြစတြေးလျနိုင်ငံမှာ ပြီးခဲ့တဲ့ ၂၄ နာရီအတွင်း COVID-19 ကူးစက်ခံရသူ ၄၂၇ ယောက် ထပ်မံတွေ့ရှိခဲ့ပြီး စုစုပေါင်း ရောဂါကူးစက်ခံရသူ ၂၁၃၆ ယောက်၊ သေဆုံးသူရှစ်ယောက် ရှိနေပါတယ်။ Ruby Princess အပျော်စီးသင်္ဘောပေါ်က ရောဂါကူးစက်ခံရသူ တော်တော်များများကို ဆစ်ဒနီမြို့မှာ ကမ်းဆင်းခွင့်ပေးထားပါတယ်။ သြစတြေးလျနိုင်ငံမှာ အရက်ဆိုင်တွေ၊ ဝတ်ပြုဆုတောင်းရာနေရာတွေကို ပိတ်ထားပေမဲ့ စာသင်ကျောင်းတော်တော်များများကိုတော့ ဖွင့်ထားဆဲပါ။
Nz (ရိုးရာလေး)
