ဗြိတိန်နိုင်ငံရဲ့စကိတ်ဘုတ်ပြားစီးသမားလေးကတော့ အခုနှစ်နွေရာသီတိုကျိုအိုလံပစ်ပြိုင်ပွဲမှာ သူ့နိုင်ငံရဲ့အသက်အငယ်ဆုံးအိုလံပစ်ပြိုင်ပွဲဝင်ဖြစ်လာတော့မှာဖြစ်ပါတယ်။ တိုကျိုမှာကျင်းပမယ့် အိုလံပစ်အားကစားပြိုင်ပွဲမှာ ပါဝင်မယ့် အဲဒီစကိတ်ဘုတ်ပြားစီးသမားလေးက အသက် ၁၃ နှစ်ပဲရှိပါသေးတယ်။
စကိုင်း ဘရောင်း (Sky Brown) ဆိုတဲ့ အဲဒီကလေးမလေးက သြဂုတ်လ ၄ ရက်နေ့မှာ စတင်ယှဉ်ပြိုင်ကစားရင်တော့ အသက် ၁၃ နှစ်နဲ့ ၁၁ ရက်ဖြစ်မှာဖြစ်ပါတယ်။ စကိတ်ဘုတ်ပြားစီးတာက အိုလံပစ်အစီအစဉ်အတွက်အသစ်ဖြစ်ပါတယ်။
![](https://yoyarlay.com/wp-content/uploads/2021/07/28-6-2021-yyl-33.jpg)
ဘရောင်းဟာ ဆောပိုလိုမြို့က ၂၀၁၉ World Championships ပြိုင်ပွဲမှာ ကြေးတံဆိပ်အနိုင်ရရှိပြီးနောက် အဆင့်မြင့်အားကစားပြိုင်ပွဲတွေမှာလည်း ဆက်လက်ယှဉ်ပြိုင်ခဲ့ကာ တတိယနေရာမှာ ရပ်တည်ခဲ့ပါတယ်။ ကမ္ဘာ့ထိပ်ဆုံး ၁၆ နေရာကို ဝင်ရောက်ခဲ့ပြီး ပြိုင်ပွဲမှာ ဝင်ရောက်ယှဉ်ပြိုင်ဖို့ အလိုအလျောက်ရွေးချယ်ခံခဲ့ရပါတယ်။
ဂရိတ်ဗြိတိန်ကစားသမားစာရင်းမှာ ဘရောင်းပါဝင်လိုက်တာက အသက်အငယ်ဆုံးအိုလံပစ်ကစားသမားအဖြစ်စံချိန်ချိုးလိုက်တယ်လို့ ဆိုလိုတာပါ။ အရင်တုန်းက စံချိန်တင်နိုင်ခဲ့သူက ယခင်စံချိန်တင်နိုင်သူမှာ မာဂရီ ဟင်တန် (Margery Hinton) ဖြစ်ပြီး ၁၉၂၈ အမ်စတာဒမ်အိုလံပစ်မှာ မီတာ ၂၀၀ ရင်ဘတ်နဲ့ ရေကူးပြိုင်ပွဲဝင်ခဲ့သူဖြစ်ပါတယ်။
![](https://yoyarlay.com/wp-content/uploads/2021/07/28-6-2021-yyl-34.jpg)
ဗြိတိန်ရဲ့လူငယ်စကိတ်စီးအဖွဲ့ရဲ့တစ်စိတ်တစ်ပိုင်းအနေနဲ့ ဘရောင်းက ၁၄ နှစ်အရွယ် ဘွန်ဘတ်တီ မာတင် (Bombette Martin) နဲ့အတူ ပါဝင်ယှဉ်ပြိုင်မှာဖြစ်ပါတယ်။ နှစ်ဦး စလုံးက အိမ်ရှင်နိုင်ငံဂျပန်ရဲ့ အသက် ၁၅ နှစ်အရွယ်ထူးချွန်တဲ့ကစားသမား မီဆူဂူ အိုကာမိုတို (Misugu Okamoto) ကို အနိုင်ရဖို့ အကောင်းဆုံးကြိုးစားသွားမှာဖြစ်ပါတယ်။
![](https://yoyarlay.com/wp-content/uploads/2021/07/28-6-2021-yyl-35.jpg)
အိုကာမိုတိုက ၂၀၁၉ခုနှစ်က Women’s Park Stateboarding World Cup မှာ အနိုင်ရခဲ့ပြီး ဆက်ပြီးတော့ နွေရာသီအားကစားပြိုင်ပွဲတွေမှာ အိုလံပစ်ခြေစစ်ပွဲ ၃ ခု အနိုင်ရခဲ့ပါတယ်။
တိုကျိုအိုလံပစ်အားကစားပြိုင်ပွဲကိုတော့ ဇူလိုင်လ ၂၃ ရက်မှာ စတင်ကျင်းပသွားမှာဖြစ်ပါတယ်။
Ref: Ladbible “Skateboarder Will Become Youngest Ever UK Summer Olympian”
WL (ရိုးရာလေး)