ဒေါင်းဆင်ဒရုန်းကလေးငယ်များအတွက် ရာသီတုပ်ကွေးကာကွယ်ဆေး အလုံးရေ ၁၅၀ကို ယခုနှစ်အတွက်လည်း ဒုတိယအကြိမ် မြောက်အဖြစ် လှူဒါန်းထိုးနှံပေးခဲ့ပြီး ဖြစ်ပါသည်။
![](https://yoyarlay.com/wp-content/uploads/2024/05/17.5.24-yyl-10.jpg)
မြန်မာနိုင်ငံဒေါင်းဆင်ဒရုန်းအသင်းနှင့်အတူ ပူးပေါင်းပြီး ၎င်းလူမှုအကျိုးပြုအစီအစဥ်ကို ပြီးခဲ့သည့် ၂၀၂၃ ခုနှစ်ကတည်းက စတင် လုပ်ဆောင်ခဲ့ခြင်းဖြစ်ကာ ယခုနှစ်တွင် ဒုတိယအကြိမ်အဖြစ် ထပ်မံလှူဒါန်းထိုးနှံပေးခဲ့ခြင်း ဖြစ်သည်။
![](https://yoyarlay.com/wp-content/uploads/2024/05/17.5.24-yyl-11.jpg)
ယခုနှစ်ကာကွယ်ဆေးလှူဒါန်းထိုးနှံပေးခြင်းအစီအစဥ်ကို မေလ (၁၂) ရက်နေ့တွင်ကျရောက်သော အမေများနေ့အထိမ်းအမှတ် အဖြစ် ဆောင်ရွက်ခဲ့ခြင်းဖြစ်ပြီး Manulife Myanmar ရှိ ဝန်ထမ်းများ၊ အာမခံအကြံပေးပုဂ္ဂိုလ်များက “မေမေနဲ့တူတူကုသိုလ်ယူ” သုံးရက်တာလမ်းလျှောက်ကမ်ပိန်းအစီအစဥ်တွင် ပါဝင်၍ ခြေလှမ်းပေါင်း တစ်သောင်းနှင့်အထက် လမ်းလျှောက်ခဲ့ပြီး ကာကွယ်ဆေးလှူဒါန်းမှုတွင် ပါဝင်ခဲ့ကြခြင်းလည်း ဖြစ်သည်။
![](https://yoyarlay.com/wp-content/uploads/2024/05/17.5.24-yyl-12.jpg)
ထို့အပြင် အဆိုပါလမ်းလျှောက်ကမ်ပိန်းအစီအစဥ်တွင် ပါဝင်သူများအတွက်သာမက ၎င်းတို့၏ မိခင်များအတွက်ကိုပါ Manulife Myanmar က နှစ်ဆထည့်သွင်းတွက်ချက်ပြီး မြန်မာနိုင်ငံဒေါင်းဆင်ဒရုန်းအသင်းသို့ ရာသီတုပ်ကွေးကာကွယ်ဆေး အလုံးရေ ၁၅၀ လှူဒါန်းပေးခဲ့ရာ အဆိုပါ ရာသီတုပ်ကွေးကာကွယ်ဆေး လှူဒါန်းထိုးနှံပေးခြင်း အခမ်းအနားကို မေလ ၁၄ရက်နေ့က ရန်ကုန်မြို့၊ Myanmar PolyLand Academy ကျောင်းတွင် ကျင်းပပြုလုပ်ခဲ့သည်။
![](https://yoyarlay.com/wp-content/uploads/2024/05/17.5.24-yyl-13.jpg)
Manulife အနေနှင့် အာရှတစ်ခွင်တွင် နှစ်ပေါင်း ၁၂၅ နှစ်ကျော်တိုင်အောင် အကောင်းဆုံးအသက်အာမခံကုမ္ပဏီအဖြစ် ရပ်တည် လည်ပတ်လျက်ရှိပြီး မြန်မာနိုင်ငံတွင်လည်း အလုပ်လုပ်ဖို့ အကောင်းဆုံးကုမ္ပဏီ Best Companies To Work In Myanmar ဆုကို နှစ်နှစ်ဆက်တိုက် ရရှိထားခဲ့သည်။
Team (ရိုးရာလေး)