မိခင်ဝမ်းဗိုက်ထဲမှာ ရှိနေစဉ်ကတည်းက ကျောရိုးမ အရေးပေါ်ခွဲစိတ်မှု လုပ်ခဲ့ရတဲ့ မိန်းကလေးငယ်ဟာ အခုအခါမှာ အသက် ၅ နှစ်အရွယ်ရှိနေပြီဖြစ်ပြီး လမ်းလျှောက်နိုင်နေပါပြီ။ အက်စ်ဖို့ဒ်နဲ့ တေလာကယ်လီတို့ စုံတွဲဟာ ကိုယ်ဝန်ဆောင်ချိန် သီတင်းပတ် ၂၀ မှာ ultrasound ရိုက်ကြည့်တော့ သန္ဓေသားမှာ ကျောရိုးထုံးတဲ့ အခြေအနေ ဖြစ်နေတာ တွေ့ခဲ့ရပါတယ်။
ကျောရိုးထုံးတဲ့ အခြေအနေကြောင့် ခန္ဓာကိုယ်အောက်ပိုင်း အားနည်းတာ၊ အကြောသေတာတွေ ဖြစ်စေနိုင်ပြီး လမ်းမလျှောက်နိုင်တာမျိုး ဖြစ်ကောင်းဖြစ်နိုင်တယ်လို့ ဆရာဝန်က သူတို့ကို သတိပေးခဲ့ပါတယ်။ သူတို့စုံတွဲက အမေရိကန်ဒေါ်လာ ၁၁၅၀၀ အကုန်အကျခံပြီး ဂျာမနီနိုင်ငံမှာ သန္ဓေသားကို ခွဲစိတ်ကုသခဲ့ကြပါတယ်။
၂၀၁၈ ခုနှစ် ဇူလိုင်လမှာတော့ ကယ်လီကို မွေးဖွားခဲ့တာပါ။ သန္ဓေသားဘဝမှာ ခွဲစိတ်ပေးခဲ့တဲ့ ဆရာဝန် ဒေါက်တာသောမတ်စ်ခိုးလ်ကို ဂုဏ်ပြုတဲ့အနေနဲ့ သူ့ကို ပိုက်ပါခိုးလ်ကယ်လီကို အမည်ပေးခဲ့တာပါ။ ကယ်လီနဲ့ ဒေါက်တာသောမတ်စ်ခိုးလ်တို့က မွေးနေ့ တစ်ရက်တည်းဖြစ်ပြီး အခုထိလည်း နွေးထွေးတဲ့ ဆက်ဆံရေးရှိနေဆဲပါ။ အခုအခါမှာတော့ ကယ်လီက အသက် ၅ နှစ် ရှိနေပြီဖြစ်ပြီး လမ်းလျှောက်နိုင်နေပါပြီ။ ကျောင်းအားကစားပွဲတွေမှာလည်း ပါဝင်ကစားနေနိုင်ပါပြီ။
Ref:Baby That Had Spinal Surgery While in the Womb Can Now Walk and Run
NZ ( ရိုးရာလေး)
