အမေရိကန်နိုင်ငံ အရီဇိုးနားပြည်နယ်မှာရှိတဲ့ Grand Canyon မှာ ပေ ၁၀၀ နီးပါး အမြင့်ကနေ ပြုတ်ကျခဲ့တဲ့ အသက် ၁၃ နှစ်အရွယ် လူငယ်ဟာ အံ့အားသင့်ဖွယ် အသက်ရှင်ခဲ့ပါတယ်။ ဝက်ကော့ဖ်မန်းဟာ Grand Canyon ရဲ့ မြောက်ဘက်ကမ်းပါးယံမှာ လမ်းလျှောက်နေတုန်း ဓာတ်ပုံရိုက်နေတဲ့ လူတွေကို ရှောင်ကွင်းပေးရင်း ခြေချော်ပြီး ပြုတ်ကျသွားခဲ့တာပါ။
အဲဒီနောက်မှာ ကယ်ဆယ်ရေးရဟတ်ယာဉ် ရောက်ရှိလာပြီး ကယ်ဆယ်ရေးအဖွဲ့ဝင် ဒါဇင်ပေါင်းများစွာက ဝက်ကော့ဖ်မန်းကို ချောက်ထဲကနေ ဆွဲတင်ဖို့ ၂ နာရီကြာ ကြိုးပမ်းခဲ့ရပါတယ်။ ရဟတ်ယာဉ်နဲ့ ဆင်းဖို့ မဖြစ်နိုင်တာကြောင့် ကယ်ဆယ်ရေးအဖွဲ့က ချောက်ထဲကို ဆင်းပြီး ဝက်ကော့ဖ်မန်းကို ကယ်တင်ခဲ့ရတာပါ။
ဝက်ကော့ဖ်မန်းဟာ ကျောရိုးဆစ် ၉ ချောင်း ကျိုးခဲ့ပြီး သရက်ရွက် ပေါက်ပြဲဒဏ်ရာ၊ အဆုတ်ဒဏ်ရာနဲ့ လက်ကျိုးခဲ့ပါတယ်။ ဒဏ်ရာပြင်းပြင်းထန်ထန် ရထားလို့ သူ့ကို ဆေးရုံ အရေးပေါ် တင်ပိုခဲ့ရပေမဲ့ အခုအခါမှာတော့ ကျန်းမာရေးစိတ်ချရပြီဖြစ်လို့ ဆေးရုံကနေ ပြန်ဆင်းခွင့်ရခဲ့ပါပြီ။
Ref: Boy survives 100ft Grand Canyon fall after dodging tourist photo
NZ ( ရိုးရာလေး)
