ကိုစတာဆီယယ်လာကူရိုရှီးမားဆိုတဲ့ ပင်လယ်ပက်ကျိဟာ ပင်လယ်ကြမ်းပြင်မှာ တွေ့ရလေ့ရှိပြီး အလျား ဝ.၅ မီလီမီတာကနေ ၁ စင်တီမီတာအရွယ်အစားရှိပါတယ်။
ခန္ဓာကိုယ်က သစ်ရွက်ပုံစံဖြစ်နေပြီး ဦးချို ၂ ချောင်းထွက်နေလို့ သစ်ရွက်သိုး(Leaf Sheep)လို့ ခေါ်ကြလေ့ရှိပါတယ်။ ဦးချိုမှာပါတဲ့ အမွေးနုလေးတွေဟာ ရေထဲက ဓာတ်ကို အာရုံခံပြီး အစားအစာရင်းမြစ်ကို ရှာဖွေနိုင်အောင် ကူညီပေးပါတယ်။
ပင်လယ်ပက်ကျိဟာ အလင်းမှီစုဖွဲ့ခြင်း ဇီဝဓာတုစနစ် ( နေရောင်ခြည်နဲ့ ကာဗွန်ဒိုင်အောက်ဆိုက်ဒ်ကို စားသုံးပြီး အောက်ဆီဂျင် ပြန်ထုတ်ပေးမှု)ရှိတဲ့ ရှားပါးသတ္တဝါတစ်ကောင် ဖြစ်ပါတယ်။ ရေညှိတွေထဲက ကလိုရိုပလက်စ်ကို စားသုံးပြီး အလင်းမှီစုဖွဲ့မှုလုပ်တာပါ။
၁၉၉၃ ခုနှစ်က ဂျပန်နိုင်ငံ ကူရိုရှီးမားကျွန်း ကမ်းလွန်ဘက်မှာ စတင်တွေ့ရှိခဲ့တာဖြစ်ပြီး ဂျပန်၊ ဖိလစ်ပိုင်နဲ့ အင်ဒိုနီးရှားနိုင်ငံ ရေပိုင်နက်တွေအနီးမှာ တွေ့ရလေ့ရှိပါတယ်။
Ref: Costasiella kuroshimae
Team (ရိုးရာလေး)
