ကနေဒါရက်ပ်ဂီတအဆိုတော် ဒရိတ်ဟာ မကြာခင်မှာ “For All the Dogs” အယ်လ်ဘမ်အသစ်ထွက်ရှိတော့မှာပါ။ မထွက်ခင် သူ့ကို ခွေးမျက်နှာဖုံးဝတ်ဆင်ပြီး New York City Hotel ကနေ ထွက်လာတာမြင်တွေ့ခဲ့ရပါတယ်။ ဒီခွေးမျက်နှာဖုံးက ဒုတိယတစ်ခုဖြစ်ပါတယ်။ တစ်ပတ်အတွင်း ခွေးမျက်နှာဖုံး ၂ ခု ဝတ်ဆင်ခဲ့တာပါ။
အခုတစ်ခေါက်ကတော့ ဒရိတ်က ခရမ်းရောင်ဘောလုံးအင်္ကျီ၊ ဘောင်းဘီရှည်၊ အဖြူရောင်sneaker တွေကို အဲဒီခွေးမျက်နှာဖုံးနဲ့အတူ ဝတ်ဆင်ထားတာတွေ့ရပါတယ်။ ပထမတစ်ခါမြင်တွေ့ခဲ့ရတာကတော့ ရော့တ်ဝိုင်လာခွေးမျက်နှာဖုံးကို ဝတ်ဆင်ပြီး ဟိုတယ်ကနေ ထွက်လာခဲ့တာပါ။ အဲဒီတုန်းက New York Yankees ဂျာစီ၊ မီးခိုရောင်ဘောင်းဘီတွေကို ဝတ်ဆင်ထားတာပါ။
ခွေးမျက်နှာဖုံးကို ဝတ်တာ ၂ ခါရှိပြီးဖြစ်တဲ့အတွက် သူ့ရဲ့”For All the Dogs” အယ်လ်ဘမ်အသစ်အတွက် ပရိုမိုးရှင်းဆင်းနေတာ သေချာနေပါပြီ။ ပြီးခဲ့တဲ့ကြာသပတေးနေ့က သူ့ရဲ့အယ်လ်ဘမ်အသစ်က ၂ ပတ်အတွင်း ထွက်ရှိမယ်လို့ ဒရိတ်က ပြောထားပါတယ်။ ဒရိတ်နဲ့ အဆိုတော် 21 Savage တို့ရဲ့ Her Loss အယ်လ်ဘမ်က ပြီးခဲ့တဲ့နှစ်နိုဝင်ဘာမှာ ထွက်ရှိထားပါတယ်။
Ref: Drake Wears Dog Mask in N.Y.C. Ahead of ‘For All the Dogs’ Album Release
WL (ရိုးရာလေး)
