လော့စ်အန်ဂျလိစ်မြို့ကို ခရီး အတူတူထွက်နေတဲ့ ဆောင်ဂျွန်ကီနဲ့ ဆောင်းဟေဂိုတို့ စုံတွဲ

လတ်တလော ထွက်ပေါ်လာတဲ့ ဆောင်ဂျွန်ကီနဲ့ ဆောင်းဟေဂို (အွန်စော) တို့နှစ်ဦးရဲ့ လေယာဉ်ပေါ်က ဓာတ်ပုံတွေ အရတော့ သူတို့နှစ်ဦးဟာ ခရီး တူတူသွားနေကြတယ်လို့ ဆိုနေကြပါတယ်။

ဆောင်ဂျွန်ကီရဲ့ အေဂျင်စီဖြစ်တဲ့ Blossom Entertainment က ထုတ်ပြန်တဲ့ သတင်းအရတော့ ဆောင်ဂျွန်ကီဟာ စက်တင်ဘာ 3ရက်နေ့က လော့စ် အန်ဂျလိစ်မြို့ (Los Angeles) ကို ခရီးထွက်သွားခဲ့ပြီး အလုပ်ကိစ္စ မဟုတ်ပဲ ကိုယ်ရေးကိုယ်တာ ကိစ္စကြောင့် သွားတာဖြစ်တယ်လို့ သိရပါတယ်။

ဆောင်းဟေဂိုရဲ့ အေဂျင်စီဖြစ်တဲ့ United Artists Agency က ထုတ်ပြန်တဲ့ သတင်းမှာတော့ သူတို့နှစ်ဦးဟာ ကိုယ်ရေးကိုယ်တာ ကိစ္စအတွက် ခရီးသွားနေကြတာ ဖြစ်တယ်လို့ ဆိုပါတယ်။ သူတို့စုံတွဲဟာ လက်ထပ်ဖို့ အစီအစဉ်အကြောင်း တရားဝင် မကြေညာခင်က ဆိုရင်တော့ လေယာဉ် သီးခြားစီးပြီးတော့ပဲ လျှို့ဝှက်စွာ ခရီးသွားခဲ့ကြတာပဲဖြစ်ပါတယ်။

အခု သူတို့သွားတဲ့ ခရီးက သူတို့ရဲ့ Pre-wedding အစီအစဉ်တွေအတွက် သွားတာများ ဖြစ်မလားလို့ အများစုက ထင်ကြေးပေးနေကြပါတယ်။ ဆောင်ဂျွန်ကီနဲ့ ဆောင်းဟေဂိုတို့ စုံတွဲဟာ သူတို့ရဲ့ မင်္ဂလာပွဲ အစီအစဉ် အချို့ကို မကြာသေးခင်ကပဲ တရားဝင် ကြေညာခဲ့တာ ဖြစ်ပါတယ်။

Ref: Koreaboo: Song Joong Ki and Song Hye Kyo spotted on romantic vacation together

Zym (ရိုးရာလေး)